تورکیه مطبوعاتیدن خلاصه لر 29.01.2020

حریت روزنامه سی, تورکیه جمهوریتی جمهوررئیسی رجب طیب اردوغان نینگ توناون سنگال جمهوررئیسی مکی سال بیلن اورتاق مطبوعاتی کنفرانس ترتیب له گن لیگی نی بیلدیرماقده. 

خبرده, اردوغان نینگ, "ادلب ده مهاجر لر چیگره لری میز تامان حرکت ایتماقده. تدبیر لری میز نی آلماقده میز" دییه قید ایتگن لیگی بیلدیریلماقده. 

روزنامه, "حفتر پول اوچون اوروشیاتگن بیر کیشی دن عبارت.  خلق ارا مقیاسده تن آلینگن بیر کیشی ایمس" دییه قید ایتگن اردوغان نینگ, اوزسوز لری نی, "حفتر قذافی گه هم خیانت قیلگن ایدی" شکلیده دوام ایتتیرگن لیگی نی یازماقده. 

ستار روزنامه سی, تورکیه جمهوریتی ملی مدافعه وزیرلیگی نینگ سوریه ده رژیم کوچ لری نینگ ادلب ده گی هجوم لری نینگ دوام ایتیاتگن لیگی نی بیلدیررایکن, "منطقه ده گی مرکز لری میزنینگ امنیتی نینگ خطر گه دوچ کیلیب قاله دیگن تشبث لر گه قرشی مشروع مدافعه دایره سیده جواب قیتیریله دی" دییه قید ایتگن لیگی نی معلوم قیلماقده. 

ینی شفق روزنامه سی, تورکیه جمهوریتی ایچکی ایش لر وزیرلیگی نینگ, فرانسه لیک تورت نفر ترورچی نینگ اوز اولکه سی گه یوباریلگن لیگی نی بیلدیرگن لیگی گه دقت قره تماقده. 

خبرده, وزیرلیک تامانیدن بیریلگن بیاناتده, چیت ایللیک ترورچی لرنینگ اوز اولکه لری گه یوباریلیشی بوییچه پروسه نینگ دوام ایتیاتگن لیگی نینگ بیلدیریلگن لیگی معلوم قیلینماقده.

روزنامه, بیاناتده, "اوشبو دایره ده بوگون فرانسه لیک 4 نفر ترورچی اوز اولکه سی یوباریلدی" دییه قید ایتیلگن لیگی نی ایسلتماقده. 

صباح روزنامه سی, چین نینگ ووهان شهریده پیدا بولگن و باشقه اولکه لر گه هم ترقه لیب کیتگن ینگی بیر کرونا ویروس سببلی تورک هوا یول لری تامانیدن بیانات بیریلگن لیگی نی یازماقده. 

خبرده, اوشبو بیاناتده, چین گه اوچه دیگن تورک هوا یول لری طیاره لری ده گی پرسونل نینگ ماسک و قول قاپ کییش لری نینگ ممکن ایکن لیگی نینگ بیلدیریلگن لیگی ایسله تیلماقده. 

وطن روزنامه سی, لیوراک و چیپورا اسمی گه ایگه ایککی بلیق توری بیلن دنیا بویلب مشهور بولیب کیتگن تورکیه سوو محصول لری سکتوری نینگ, قاره دینگیز سومونی دیب ناملنگن باشقه بیر بلیق بیلن هم موفقیت قولگه کیریتیش گه حرکت قیلیاتگن لیگی نی یازماقده. 

خبرده, دنیا بازار لری ده "تورک سومونی" دیب ساتیلیاتگن اوشبو بلیق نینگ صادراتی میزانی نینگ آلدینگی ییل بیلن سالشتیریلگنده 2019 – ییلده 7 فایز مقیاسیده آرتیب 29 میلیون دالر گه کوتریلیب کیتگن لیگی معلوم قیلینماقده. 

روزنامه, فقط گینه روسیه نینگ اوزی گه 16 میلیون دالرلیک صادرات قیلینگن لیگی نی یازماقده. 

خبرده, ویتنام گه 8 و جاپان گه 3,5 میلیون دالرلیک صادرات قیلینگن لیگی گه دقت قره تیلماقده.