تورکیه مطبوعاتیدن خلاصه لر 16.01.2020

حریت روزنامه سی, تورکیه جمهوریتی تشقی ایش لر وزیری مولود چاووش اوغلی نینگ توناون آقشام تلویزیونی بیر برنامه آرقه لی بیرگن بیانات لریده تشقی سیاست بوییچه سونگگی ینگیلیک لر باره سیده معلومات بیرگن لیگی نی بیلدیرماقده. 

خبرده, چاووش اوغلی نینگ, "مصر پولیسی نینگ انادولو آژانسی نینگ قاهره ده گی دفتری گه باسیب کیریشی قبول ایتیلیشی ممکن بولگن بیر وضعیت دن عبارت ایمس. اوشبو خصوصده سعی و حرکت قیلماقده میز" دییه قید ایتگن لیگی بیلدیریلماقده. 

خبرتورک روزنامه سی, تورکیه جمهوریتی ملی مدافعه وزیری خلوصی آقر نینگ تورکیه نینگ لیبیا و همده سوریه نینگ ادلب منطقه سیده سیاسی بیر ییچیم یولی نینگ تاپیلیب تینچ لیک نینگ تامین ایتیلیشی اوچون سعی و حرکت قیلیاتگن لیگی نی بیلدیرگن لیگی نی یازماقده. 

خبرده, توناون پایتخت انقره ده ژورنالست لرنینگ سئوال لری گه جواب قیترگن آقر نینگ, 'ایندی لیبیا ده آتشکیسین احتمالی یوق' شکلی ده گی گپ لر توغریسیده, "توغری بیر گپ ایمس.  اوشبو خصوصده سعی و حرکت لری میز دوام ایتماقده" دییه قید ایتگن لیگی گه دقت قره تیلماقده. 

وطن روزنامه سی, تورکیه جمهوریتی تجارت وزیری رخسار پیکجان نینگ, نایجریا گه قیلگن سفری نینگ تکمیل بولیشی آرتیدن توناون مراکش گه تشریف بویورگن لیگی نی بیلدیرماقده. 

خبرده, پیکجان نینگ مراکش پایتختی رباط ده مراکش قراللیگی صنایع, تجارت, یاشیل و دیجیتال اقتصاد وزیری مولای حفیظ العلمی بیلن اوچره شگن لیگی بیلدیریلماقده. 

روزنامه, پیکجان نینگ خوددی شوو ییرنینگ اوزیده بیرگن بیاناتیده, مراکش نینگ تورکیه نینگ مهم همکار لری دن بیری ایکن لیگی و تورک سرمایه دار لرنینگ اوشبو اولکه ده ینه ده کوپراق سرمایه گذارلیک قیلیشی نی کوتیاتگن لیک لری نی بیلدیررایکن, "مراکش لیک سرمایه دار لر نی هم تورکیه ده سرمایه گذارلیککه چقیره میز" دییه قید ایتگن لیگی نی معلوم قیلماقده. 

ستار روزنامه سی, 2019- ییلده تورکیه نینگ یولاوچی بسی بوییچه صادرات میزانی نینگ 2 میلیارد دالر دن هم آرتیق بیر مقدار گه کوتریلیب کیتگن لیگی نی یازماقده. 

خبرده, خوددی شوو موتر لرنینگ اوشبو ییل ده اینگ کوپ فرانسه گه صادر قیلینگن لیگی بیلدیریلماقده.