تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/5625/0a07/e267/5dd634cb34a3b.jpg?time=1719031027)
تورکیه نینگ مطبوعات خلاصه لری
صباح روزنامهسی: «حفترنینگ هجوملری دوام ایتسه کیرهکلی جواب بیریلهدی» سرلوحهسی بیلن بیرگن خبرده یازیلیشیچه، لیبیاده تونترووچی جنرال خلیفه حفتر مسکودهگی کیلیشوونی امضاله مه ی ترک ایتیشی تورکيه نینگ ناراضیلیگیگه سبب بولدی.
بونگه مناسبت بیلدیرگن تورکيه دولت باشلیغی ایردوغان نینگ تأکیدلشیچه، تورکيه و خلقارا میدانده تن آلینگن فایز سراج باشچیلیگیدهگی لیبیا ملي کیلیشوو حکومتی بیرگن وعدهسیده توردی، بیراق حفتر بیتیمگه امضا قوییشدن باش تارتدی. «اگر تونترووچی حفتر لیبیا نینگ قانوني حکومتیگه و خلقیگه هجوم قیلهدیگن بولسه، اونگه کیرهکلی آغیر جزانی بیریشدن قول تارتمهیمیز»، دیب ایتگن.
یینی شفق روزنامهسی:«ایردوغان نینگ ادلیب حقیدهگی چقیرغیغی» سرلوحهسی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان بشر الاسد رژیمی سوريه نینگ ادلیب ولایتیدهگی قتل عامگه دنیانینگ تماشابین بولیب قرهب تورگنلیگینی معلوم قیلدی. «اسد کوچلری حمایهسیز بیگناه انسانلر اوستیگه بیرل بمبلر تشلهماقده. 4 یاشدهگی بالهلر تروریست می؟»،-دیب ایتگن.
خبر تورک روزنامهسی: «انهدولوجیت خارج یونهلیشیدهگی پروازلر رویخطینی 28 نقطه گه چیقردی» سرلوحهسی بیلن بیرگن خبرده یازیلیشیچه، تورک هوا یوللری نینگ ارزان شرکتی انهدولوجیت 29 مارچدن اعتباراً استانبولدهگی سبیهه گوکچن قونلغه سیدن خارج یونهلیشیدهگی 28 منزلگه پرواز عملگه آشیرهدی.
انهدولوجیت ارزان بهادهگی پروازلر واسطهسیده دنیا شهرلری آرهسیده کوپریک وظیفهسینی کوره دی. انهدولوجیت اوچاقلری سبیهه گوکچن قونلغه سیدن شمالي قبرس تورک جمهوریتی، کویت، دوبی، بغداد، بحرین، باکو، جده، اربیل، رياض، تهران، تل-اویو، تیفلیس، دَممام، ابو ذبی، مدینه، امستردام، بارسیلونا، برلین، بروکسیل، دوسیلدارف، فرانکفورت، لندن، مِیلان، مونیخ، شتوتگرت، پاریس، روم، وین شهرلریگه اوچیشلرینی عملگه آشیرهدی.
حریت روزنامهسی:«اقتصادده اوسیش دوام ایتماقده» سرلوحهسی بیلن بیرگن خبرده یازیلیشیچه، تورکيه حزینه و مالیه وزیری برات آلبیراق اقتصادي اوزگریشلرگه دایر ایضاح بیلدیردی.
صنایع ایشلب چیقریش بوییچه کوتیلگن نتیجهلر استه-سیکین قولگه کیریتیله باشلهگنلیگینی بیلدیرگن برات آلبیراق، 2020 ییلی اوسیش کورسهتگیچینی ینهده یوقاری باسقیچگه کوتریشینی معلوم قیلدی. «مقصدیمیز قیمت سالیغی، ایشچی کوچی و صادراتگه تیانگن ایشلب چیقریشنی یولگه قوییشدیر»،-دیب ایتگن.
وطن روزنامه سی: بورسا استانبولده 2020 نینگ ریکاردی
بورسا استانبول BİST رواجلنیب بارماقده. شونده ی بولیب BİST اینگ یوقاری سویه گه ییتدی. توناون کونی اینگ یوقاری سویه بولمیش 121 مینگ 40 نمره گه کوتریلدی. BİST ده گی تاریخی سویه ایسه 19.01.2019 تاریخیده بولیب 121 مینگ 153 نمره گه بارگندی.