تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق روزنامه سی: : خلوصی آقر، «اوزونلیگی 145 کینگلیگی 30 کیلومتردن عبارت خوفسیز حدود تأمینلندی».
ملي مدافعه وزیری خلوصی آقر توناون بیرگن بیاناتیده سوريهدهگی تینچلیک بولاغی عملیاتی حقیده «اوزونلیگی 145، کینگلیگی 30 کیلومتردن عبارت خوفسیز حدود تأمینلندی. عملیات حدودی نینگ شرقی و غربیدن قاچاق اوق اوزیشلری کیله یپتی. عملیاتلر نتیجهسیده 42مینگ 219 کیلومترلیک میدان بیلن 600 ته مسکونی جای کنترول آستیگه آلیندی» دیدی.
وطن روزنامه سی: تشقی ایشلر وزیرلیگی یونان باش وزیریگه قتّيق اعتراض بیلدیردی. تورکيه، یونان باش وزیری کیریهکاس میچاتهکیس نینگ تورکيه حقیده حقیقتلردن اوزاق بیرگن بیاناتلریگه اعتراض بیلدیردی. تشقی ایشلر وزیرلیگی، یونان حکومتینی مهاجرلر دوچ کیلگن و خلقارا تشکیلاتلر تامانیدن هم قیدگه آلینگن اینگ یامانی آدمگرچیلیککه تۉغری کیلمهیدیگن شرطلرنی توزهتیشگه، کیرهکلی یاردملردن آلالمهگن مهاجرلر نینگ، مهاجر بالهلهلری بیلن چقهلاقلرنینگ یامان شرط-شرایط آستیده جان بیریشیگه مانعلیک قیلیشگه چقیردی.
صباح روزنامه سی: دولت باشلیغی ایردوغان دن بیانات دیب بیرگن خبریده.
دولت باشلیغی رجب طیب ایردوغان تورکيه نینگ ایکینچیلیک محصولاتیدن قولگه کیریتگن درآمدی جهتیدن دنیاده ییتّینچی، اروپاده ایسه بیرینچی اورینده ایکنلیگینی قید ایتدی. دولت باشلیغی ایردوغان، توناون بیش تیپهدهگی خلق کنگره و مدنیت مرکزیده اویوشتیریلگن 3-تورکيه ایکینچیلیک و اورمان کینگشیده سوزلهگن نطقیده، «فندوق، گیلاس، زردالی و بهی ییتیشتیریشده دنیا لیدریمیز. دنیا نینگ 195 ته دولتیگه 1 مینگ 690 تورلی محصولات صادر قیلیهپمیز» دیدی.
حریت روزنامه سی: استعمالچیلر ایشانچ ایندیکسی اعلان قیلیندی.
تورکيه استاتیستیک کمیتهسی نوامبر آیی نینگ استعمالچیلر ایشانچ ایندیکسینی معلوم قیلدی. استعمالچیلر ایشانچ ایندیکسی نوامبر آییده اوتگن آیگه نسبتاً 5.2 فایزگه آرتگن حالده 59.9 فایزگه ییتدی.
ستار روزنامه سی: تورکيه عسل صادراتیدن 10 آیده 18 میلیون دالر درآمد قولگه کیریتیلدی.
دنیا نینگ تورت بورچهگیده استعمال قیلینگن تورک عسلی نینگ 2019-ییل نینگ جنوری آییدن باشلب اکتوبر آییگچه بولگن صادرتیدن مملکت 18 میلیون 406 مینگ 57 دالر درآمد قولگه کیریتدی. تورکيه نینگ عسل صادرات بازاری رویخطی نینگ بیرینچی قطاریگه جرمني کیریتیلر ایکن یوقاریده ایتیلگن دورده مذکور دولتگه 5 میلیون 722 مینگ 981 دالرلیک 1461 تُن عسل ساتیلدی.