تورکیه مطبوعاتیدن خلاصه لر 01.11.2019

وطن روزنامه سی, تورکیه جمهوریتی جمهوررئیسی رجب طیب اردوغان نینگ, توناوون گرجستان باش وزیری گیورگی گاخارایا بیلن بولیب اوتگن اوچره شووی آرتیدن بیرگن بیاناتیده, ایککی اولکه تشقی ایش لر وزیرلری گه بیریلگن بویروق بیلن جوده یقین کیله جکده ستراتیژیک همکارلیک کینگشی نینگ ییغیلیش اوتکزه دیگن لیگی نی بیلدیرگن لیگی نی معلوم قیلماقده. 

خبرده, اردوغان نینگ, ستراتیژیک همکارلیک نینگ فقط گینه ایککی اولکه ایمس, بلکه منطقه جهتی دن هم یخشی نتیجه لر بیره دیگن لیگی نی بیلدیرگن لیگی ایسله تیلماقده. 

حریت روزنامه سی, تورکیه نینگ, فرانسه نینگ, تینچلیک چشمه سی عملیاتی بیلن علاقه لی قرار لری نی قاره له گن لیگی نی بیلدیرماقده. 

خبرده, تورکیه جمهوریتی تشقی ایش لر وزیرلیگی تامانیدن بیریلگن بیاناتده, سوریه توپراق لریده بیر تروریزم دولتی قوریش گه حرکت قیلیاتگن فرانسه نینگ, خیال لری نینگ پوچ گه چیققن لیگی سببلی بونده ی قرار آلگن لیگی نینگ انیق ایکن لیگی نینگ بیلدیریلگن لیگی معلوم قیلینماقده. 

صباح روزنامه سی, تورکیه جمهوریتی ملی مدافعه وزیری خلوصی آقر نینگ, توناوون سوریه چیگره سیده گی تورک عسکر لری نی باریب کورگن لیگی نی یازماقده. 

خبرده, مخابره آرقه لی تل ابیض ده گی تورک عسکر لر بیلن صحبت قیلگن آقر نینگ؛ "تورکیه نینگ ترور تشکیلاتی داعش گه قرشی کوره شی نی کوره آلمس لیک نینگ کورلیک و جاهل لیک دن عبارت ایکن لیگی انیق. بو ییرده همه نرسه حل بولگن ایمس. هر نرسه بولیشی ممکن.  شوباعث همه نینگ تیار بولیشی کیره ک" دییه قید ایتگن لیگی گه دقت قره تیلماقده. 

ستار روزنامه سی, تورکیه جمهوریتی خزانه و مالیه وزیری برات آلبیرق نینگ, توناوون تورکیه نینگ مالاتیا ولایتیده سرمایه دارلر بیلن بولیب اوتگن ییغیلیشی جریانیده قیلگن صحبتیده, "ینگی اقتصادی برنامه دایره سیده تاریخی میزده بیرینچی مرته 5 فایزدن آز بیر تورم کورگن بوله میز" دییه قید ایتگن لیگی نی یازماقده. 

خبرده, آلبیرق نینگ, 2019- ییل ده تورکیه نینگ اقتصادی کوچی نینگ آرتیب کیته دیگن لیگی نی بیلدیرگن لیگی ایسله تیلماقده. 

خبرتورک روزنامه سی, 2009 – ییل 31 اوکتوبر کونی قوریلگن و 8 ریشترلیک ییرقیمیرلش حادثه سی گه چیدملی بولگن استانبول ده گی سبحه گوکچن هوا قونلغه سی نینگ 10 ییلده 240 میلیون یولاوچی گه میزبانلیک قیلگن لیگی نی معلوم قیلماقده.