تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: "خوفسیز حدود موضوعسیده تورکيه و روسیه اورته‌سیده تاریخي کیلیشوو" دیب بیرگن خبریده:
امریکا قوشمه ایالتلری دن کیین روسیه بیلن هم کیلیشووگه ایریشیلدی. دولت باشلیغی رجب طیب ایردوغان و روسیه دولت باشلیغی ولا‌دیمیر پوتین نینگ سوچیده‌گی اوچره‌شوویده کیلیشووگه باریلدی. 150 ساعت دوامیده بولووچی ترور تشکیلاتی وای پی جی /پی کاکا اعضاسی تروریستلر قوراللری بیلن تورکيه چیگره‌سی نینگ 30 کیلومتر چیتیگه چیقیب کیته‌دی. منطقه‌ده تورک-روس گزمه لری باشلنه‌دی.
صباح روزنامه سی: ملي مدافعه وزیرلیگی (MSB ): ینگی عملیاتگه احتیاج یوق »دیدی.
MSB، سوريه نینگ شِمالیده‌گی "تینچلیک چشمه سی" عملیاتی حدودیدن تشقریده ینگی بیر عملیاتگه احتیاج یوقلیگینی معلوم قیلدی. بیاناتده: نتیجه‌ده 120 ساعتلیک مدت آخریده امریکا قوشمه ایالتلری تامانیدن پی کاکا / وای پی جی نینگ منطقه‌دن چیکینیش ایشی یکونله‌گنلیگی خبر قیلیندی» دییلدی.
حریت روزنامه سی: "جهان ساغلیقنی سقلش تشکیلاتی آق فوسفور بمب ادعالرینی رد ایتدی"
جهان ساغلیقنی سقلش تشکیلاتی سوزچیسی کریستیا‌ن لیندمه‌ییر، سوريه نینگ شمال-شرقیده بولووچی ترور تشکیلاتی وای پی جی / پی کاکا طرفدارلری و بعضی غربي میدیا تشکیلاتلری، سوريه نینگ تورلی منطقه‌لریده آق فوسفوردن کوییغلر موجود دییه نشر ایتگن فوتوصورتلر آلدین سوريه نینگ فرقلی حدودلریدن بولگنینی قید ایتدی. لیندمه‌ییر، تورک اوردوسینی عیبلش اوچون ترور تشکیلاتی نینگ بونده‌ی یالغانلرگه مراجعت قیلگن و منطقه‌ده‌گی وضعیتنی دقّت بیلن کوزه‌تیب بارگنلرینی قید ایتدی.
ستار روزنامه سی: "انگلیس دی تایمز یازووچیسی: پی کاکا کرد و تورکلرگه ضرر ییتکزماقده"
انگلستان دی تایمز روزنامه سی یازووچیسی: سره تار، ترور تشکیلاتی پی کاکا/وای پی جی/ایس دی جی، تورکيه‌ده‌گی، بولووچی ترور تشکیلاتی پی کاکانینگ قناتی ایکنینی، اوز مقصدلریگه ایریشیش اوچون ترورگه مراجعت قیلگنلرینی یازدی. سوريه نینگ شِمالیده تشکیل ایتیله‌دیگن خوفسیز حدودنی هم قوللب- قوّتله‌گن سره تار، پی کاکا تامانیدن تورکلر و کردلرگه ییتکزیلگن ضرر و عذابلرنی شخصن کورگنینی تأکیدله‌دی.
یینی شفق روزنامه سی: «تورک لذتلری دنیاگه سریا‌للر بیلن تنیتیله‌دی»
توریزمده محصولاتلر نینگ خیلمه-خیللیگی آشه‌دی. ساغلیقنی سقلش و اعتقاد توریزمیدن تشقری، گسترونومي توریزمی، 2023 ییلده 75 میلیون سیاحنی جلب قیله‌دیگن توریزم یونه‌لیشلریگه حصه قوشه‌دی. شو نقطه‌ی نظردن، گسترونومي محصولاتلرینی تورک سریا‌للریگه جایلشتیریب و چیت ایلده قیزیقیش اویغاته‌دیگن فلملرده نمایش ایتیله‌دی. تورک آشخانه‌سی نینگ اجره‌لمس محصولاتلری دنیاگه نمایش ایتیله‌دی. شو مناسبت بیلن سیاحلر محلي لذتلر بیلن مملکتگه جلب قیلینه‌دی..
