تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه‌سی: "ایردوغان: بیز ملي خوفسیزلیک مسأله‌سیده اوزیمیز قرار آلگن بیر دولتمیز"
دولت باشلیغی رجب طیب ایردوغان، تورکيه ملي خوفسیزلیک بوییچه اوز قرارلرینی آلگن بیر اولکه ایکن لیگینی و بو باره‌ده هیچ کیمدن رخصت آلمه گن بیر مملکت ایکن لیگینی تأکیدله‌دی.
ایردوغان، سوريه نینگ شِمالیده، 9 کون ایچیده 765 تروریست یوق قیلگن ، 1500 کیلومتر مربع میداننی قوتقرگن اولکه دیر. «120 ساعتلیک مدت یکونله‌گن لحظه‌ده بیریلگن وعده‌لر بجریلمه‌گن تقدیرده عملیات نی عیناً قالگن جاییدن دوام ایتتیره‌میز. امریکا قوشمه ایالتلری لیک اتفاقداشیمیز طلبیمیزنی و تورکيه‌گه بیرگن وعده‌لریگه بو سفر باغلیق قالسینلر» دیدی.
وطن روزنامه سی: "ترور تشکیلاتی نینگ ایکّینچی کیمیاوي اویینی فعال"
سوريه نینگ شِمالیده تینچلیک چشمه سی عملیات بیلن کتّه ضربه اوریلگن و امریکا قوشمه ایالتلری نینگ تشبثی بیلن 120 ساعت ایچیده آرقه چیکینیشگه باشله‌گن بولووچی ترور تشکیلاتی پی کاکا/ وای پی جی بو سفر تینچ اهالینی کیمیاوی قورال بیلن نشان آلیب تورکيه‌نی عیبلشگه اورینگنی بیلگیلندی. تورک استخبارات تشکیلاتی، عراقدن یول آلگن ترور تشکیلاتی نینگ قولیده بولگن کیمياوي قورالنی آلیب کیله‌یاتگن 6 یوک مو‌ترنی، سیمیلکا حدودیده سوريه نینگ قمیش حدودیدن اوتیب کیتگنلیگی انیقلندی.
یینی شفق روزنامه سی: "خلوصی آقر: بیزنینگ قورال قطار‌میزده حتا بیر گرا‌م کیمیاوي قورال یوق" دیدی.
ملي مدافعه وزیری خلوصی آقر، کیمیاوي قورال ایشله‌تیلگنلیگی حقیده‌گی ادعالر یالغان و یامان خبرلر بیلن چاپ ایتیلگنلیگینی بیلدیردی. وای پی جی / پی کاکا اعضالری نینگ یالغان خبرلری اوستیده توخته‌گن آقر، "بیزنینگ بو پست‌لرگه قرشی کوره‌شیمیز نه‌فقط میدانده، بلکه معلوماتی اوروشلری شرایطیده هم دوام ایتماقده" دیدی.
ستار روزنامه سی: "تورکيه اوراسیا نینگ معلوماتلر مرکزی" بوله‌دی
تورکيه‌ده کیلگوسی کونلرده Data Center Expo Eurasia بولیب اوته‌دی. استانبولده ایلک مراتبه اویوشتیریله‌دیگن اوشبو کورگزمه‌گه 35 مملکتدن 250 گه یقین مارک اوزلری نینگ ینگی تکنالوژي‌لرینی نمایش ایته‌دی. 2019 ییلی 28 نوامبر-1 دسامبر کونلریده بولیب اوته‌دی. تورکيه نینگ، منطقوي کوچ صفتیده جایلشیشی جهتیدن مهم بیر اوچره‌شوو صفتیده بهالنماقده.
حریت روزنامه سی: «استانبول دنیاده‌گی اینگ گوزل شهرلردن بیری»
دنیا نینگ اینگ چیرایلی شهرلری اعلان قیلیندی. مینگدن آرتیق سیاحت یازووچیلری و اجینتلیکلر بیلن اوتکزگن سوراغ نتیجه‌سیده Flight Network سیاحلیک سایتی 50 ته شهر رویخطینی توزدی. تورکيه‌دن استانبول رویخطده ا‌ورین آلدی. استانبول بو رویخطده 17-ا‌وریننی ایگلله‌دی.
