تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: دولت باشلیغی ایردوغان عملیات نینگ منبیجدن عراق چیگره‌سیگچه دوام ایتیشینی معلوم قیلدی.
دولت باشلیغی رجب طیب ایردوغان توناون عدالت و ترقیات حزبی گروه ییغیلیشیده نطق سوزله‌دی. اوز نطقیده سوريه نینگ شِمالیده آلیب باریله‌یاتگن تینچلیک چشمه سی عملیاتی حقیده گپیرگن ایردوغان بو حقیده، «عملیات منبیجدن عراق چیگره‌سیگچه دوام ایته‌دی» دیدی.
ستار روزنامه سی: مولود چاووش اوغلی، «ترور دولتی تشکیل ایتماقچی بولگنلر نینگ اویینی بوزیلدی» دیدی.
تشقی ایشلر وزیری مولود چاووش اوغلی تورکيه تامانیدن سوريه نینگ فیرات دریاسی نینگ شرقیده ترور تشکیلاتیگه قرشی آلیب باریلگن تینچلیک چشمه سی عملیاتی حقیده توناون تورکيه بویوک ملت مجلسیده‌گی ییغیلیشده ملت وکیللرگه معلومات بیردی. چاووش اوغلی اونده، بعضی دولتلر نینگ تینچلیک چشمه سی عملیاتیدن راحتسیز ایکنلیگینی بو نینگ سببی نینگ ایسه تشکیل ایتماقچی بولگن ترور دولتی اویینی نینگ بوزیلگنلیگیگه باریب تقه‌لگنلیگینی ایسله‌تیب اوتگن حالده، «حوصلری یوق بولگنلیگی اوچون بیزگه بونچه‌لیک هجوم قیلماقده‌لر» دیدی.
وطن روزنامه سی: ابراهیم قلین: «خوفسیز حدود داعش ترور تشکیلاتیگه قرشی کوره‌شگه زیان ییتکزمه‌یدی» دیدی. دولت باشلیغی سوزچیسی ابراهیم قلین، تینچلیک چشمه سی عملیاتی حقیده، «تورکيه تشکیل ایتماقچی بولگن خوفسیز حدود اصلا داعش ترور تشکیلاتیگه قرشی کوره‌شگه زیان ییتکزمه‌یدی» دیدی.
یینی شفق روزنامه سی: تینچلیک چشمه سی عملیاتیده هم تروریستلر اوستیگه «طوفان توپلری» یاغدیریلماقده. تورک قوراللی کوچلری تامانیدن فیرات قلقانی و زیتون یاله سی عملیاتیده ترور آدرسلرینی یوق قیلیشده کتّه رول اوینه‌گن و تورکيه‌ده ایشلب چیقریلگن T-155 ظوفان اوبوسلری تینچلیک چشمه سی عملیاتیده هم سترا‌تیژیک وظیفه‌لرده فایده‌لنیلماقده. فرات دریاسی نینگ شرقیده‌گی وای پی جی/ پی کاکا آدرسلرینی یوق قیلیشده فایده‌لنیلگن طوفان اوبوسلری، نشانگه انیق اوریشی آرقه‌لی تروریستلرنینگ قورقینچلی توشیگه اَیلنماقده.
حریت روزنامه سی: BTC دن 3.3 میلیارد بیرل نفت آقدی.
باکو-تیفلیس-جیحون خام نفت پایپ لاینی نینگ آخرگی بیکتی تورکيه نینگ آدانا ولایتی نینگ جیحون تومنیده‌گی حیدر علی یف نامیده‌گی دینگیز ترمینا‌لیدن 2006-ییلدن اعتباراً 4 مینگ 300 دن آرتیق تانکر آرقه‌لی 3 میلیارد 314میلیون 965مینگ بیرل خام نفت ییتکزیب بیریلدی.
