تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1719065468)
تورکیه نینگ مطبوعات خلاصه لری
صباح روزنامه سی:«ایردوغاندن آذربایجانده صمیمي بیاناتلر» سرلوحهسی بیلن بیرگن خبرده ، تورکيه دولت باشلیغی رجب طیب ایردوغان آذربایجان پایتختی باکوده بولیب اوتگن تورکي تیللی دولتلر همکارلیک کینگشی نینگ ییتّینچی جلسه سیده سوزگه چیقدی.
«سوريهده آخرگی 8 ییلده گواهی بولیب تورگن موضوع شوکی، بیر ترور تشکیلاتیدن فایدهلنیب، باشقه ترور تشکیلاتینی یوق قیلیب بولمهیدی. شو سببلی «تینچلیک چشمه سی» حربي عملیاتی گه باشلهدیک. بوگونگچه تخمیناً 1000 کیلو متر مربع لیک میداننی تروریستلردن تازهلهدیک»،-دیب ایتدی.
وطن روزنامه سی: «مولود چاووش اوغلی پومپیئو بیلن ملاقات قیلدی» سرلوحهسی بیلن بیرگن خبرده ، توناون تورکيه تشقی ایشلر وزیری مولود چاووش اوغلی امریکا قوشمه ایالتلری تشقی ایشلر وزیری مایک پومپیئو بیلن تیلفون آرقهلی ملاقات قیلدی. صحبت تفصیلاتلری حقیده معلومات بیریلمهدی. چاووش اوغلی تورکيه قوراللی کوچلری تامانیدن سوريه شمالیده حربي عملیات باشلهتیلگن 9 آکتوبر کونی هم مایک پومپیئو بیلن ملاقات قیلگندی.
حریت روزنامه سی: «تورکي کینگش جلسه سی نینگ قوشمه بیاناتیده «تینچلیک چشمه سی» حربي عملیاتیگه دایر قرار» سرلوحهسی بیلن بیرگن خبرده ، توناون آذربایجانده اوز ایشینی یکونلهگن تورکي تیللی دولتلر همکارلیک کینگشی نینگ ییتّینچی جلسه سی قوشمه بیاناتیده تورکيه قوراللی کوچلری نینگ سوريه شِمالیدهگی «تینچلیک چشمه سی» حربي عملیاتی قوللب قوّتلندی.
ستار روزنامه سی: «ترور تشکیلاتیده عملیات قورقووی» سرلوحهسی بیلن بیرگن خبرگه کوره، تورکيه قوراللی کوچلری تامانیدن سوريهده فرات دریاسی شرقیده «تینچلیک چشمه سی» حربي عملیاتی موفقیتلی آلیب باریلر ایکن، ترور تشکیلاتی پی کاکا/وای پی جی گه اعضا تروریستلرنینگ تینچ اهالی آرهسیگه قوشیلیب، قاچیشگه اورینیش حالتلری کوزهتیلماقده.
خبر تورک روزنامه سی: «تورکي جمهوریتلریگه 5 ییلده 24.5 میلیارد دالرلیک صادرات» سرلوحهسی بیلن بیرگن خبرگه کوره، تورکيهدن 2014-2018 ییللرده اورته آسیادهگی تورکي جمهوریتلرگه 24 میلیارد 519 میلیون دالر مقداریده صادرات عملگه آشیریلدی. بولر آرهسیده اینگ کوپ صادرات آذربایجانگه عملگه آشیریلدی. اوشبو دور مابینیده مملکتگه 8 میلیارد 889 میلیون دالرلیک محصولات صادرات قیلینگن.