تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامهسی،«ایردوغان نینگ منبج گه عملیات اشاره سی» سرلوحهسی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان سوريه شرقیده دوام ایتهیاتگن حربي عملیاتده ایجابي نتیجهلر آلینگچ، کیلگوسیده منبجنی هم تروریستلردن تازهلش فکرینی آلغه سوردی. «منبج نینگ حقیقي ایگهلری عربلردیر. او ییرگه عرب قرینداشلریمیز جایلشهدی. بیزنینگ مقصدیمیز اولرنی منبجگه جایلشتیریش و خوفسیزلیگینی تأمینلشدیر»،دیب ایتگن.
وطن روزنامهسی:«ایردوغان تورکيه نینگ تروریزمگه قرشی کورهشیگه لاقید بولگنلرنی قارهلهدی» سرلوحهسی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان نینگ تأکیدلشیچه، غرب دنیاسی تورکيه نینگ تروریزمگه قرشی کورهشینی کورمسلیککه آلماقده. «شو عملیاتنی اوتکزیش نینگ بیرگینه سببی بار. او هم بولسه سوريه شِمالینی پی وای دی، وای پی جی و داعش ترور تشکیلاتلریدن تازهلش و او ییرنی حقیقي ایگهلریگه تاپشیریشدیر. بیز بونی الباب حدودیده قیلدیک. او ییرده 3500 تروریستنی یوق قیلدیک. دنیا بونی کورمسدن کیلماقده»،دیب ایتدی.
ستار روزنامهسی:«ترور تشکیلاتی پی کاکا/پی وای دی و داعش همکارلیگی اثباتلندی» سرلوحهسی بیلن بیرگن خبرگه کوره، تورکيه قوراللی کوچلری تامانیدن سوريهده فرات دریاسی شرقیده آلیب باریلهیاتگن «تینچلیک چشمه سی» حربي عملیاتی دایرهسیده تل ابیاد تومنی وای پی جی/پی کاکا تروریستلریدن بوتکول قوتقریلدی. تل ابیاد تومن مرکزیده وای پی جی گه اعضا تروریستلر داعش جنگریلری توتیلهیاتگن قماقخانهلرنی بوشهتهیاتگنلیگی تصویرگه توشیریلدی. قماقخانهلر تروریستلر تامانیدن بوشهتیلر ایکن، بلند دیوارلر بیلن اوره لگن بنا نینگ ایشیکلری آچیق ایکنلیگی دقّت قرهتدی.
یینی شفق روزنامهسی:«ترامپ سوريهدهگی عملیات حقیده نیرنگ کورسهتگن ABC کانالیگه اعتراض بیلدیردی» سرلوحهسی بیلن بیرگن خبرگه کوره، امریکا قوشمه ایالتلری دولت باشلیغی دانلد ترامپ ملي خبر کانالی ABC نینگ قورال سیناوی پیتیده روی بیرگن کوچلی پارتلش تصویرلرینی تورکيه نینگ سوريهدهگی حربي عملیاتیده روی بیرگندیک قیلیب کورسهتگنلیگینی «رزالت» دیب بهالهدی. ترامپ بو حقده تویتردهگی صحیفهسیده معلوم قیلدی. «ABC نیوزنینگ ساخته ویدیو نمایش قیلهیاتگنده قولگه توشگنلیگی «کتّه شرمندهلیک»دیر»،دیب یازگن.
حریت روزنامه سی: تورکی هواچیلیک صنایعی محصولاتی جنوبی کوریاده نمایش قیلینه دی دیب بیرگن خبریده، هواچیلیک و فضا صنایع جنوبی کوریاده 15-20 آکتوبرده اوتکزیله دیگن سیئول خلق ارا هواچیلیک و مدافعه فستیوالیده ایلک مرته محصولاتینی نمایش قیله دی. تیک اوچرلرنینگ علاقه کوریشی کوتیلماقده.