تورکیه مطبوعاتیدن خلاصه لر 10.10.2019

حریت روزنامه سی, تورکیه جمهوریتی جمهوررئیسی رجب طیب اردوغان نینگ توناون تویتر آرقه لی بیرگن بیاناتیده سوریه عملیاتی نینگ باشله گن لیگی نی بیلدیرگن لیگی نی معلوم قیلماقده. 

خبرده, اردوغان نینگ اوشبو پیامیده, "تورکیه قوراللی کوچ لری سوریه ملی اردوسی بیلن بیرگه سوریه نینگ شمالیده ترور تشکیلاتی پی کا کا/وای پی جی و داعش گه قرشی تینچلیک چشمه سی عملیاتی نی باشلتدی.  مقصدی میز جنوبی چیگره میزده تشکیل ایتیلیش گه حرکت قیلینیاتگن تروریزم دهلیزی نی یوق قیلیش و منطقه ده تینچلیک نی تامین ایتیش دن عبارت" دییه قید ایتگن لیگی بیلدیریلماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, توناون سوریه نینگ شمالیده گی ترور تشکیلاتی وای پی جی/پی کا کا هدف لری گه قرشی باشله تیلگن تینچلیک چشمه سی عملیاتی توغریسیده بیرگن بیاناتیده, "عملیاتی میز خلق ارا حقوق, بیرلشگن ملت لر تشکیلاتی شرطی نینگ 51 – ماده سی و بیرلشگن ملت لر تشکیلاتی خوفسیزلیک کینگشی نینگ تروریزم گه قرشی کوره ش بوییچه قرار لری گه بناً اویوشتیریلماقده" دییه قید ایتگن لیگی نی یازماقده. 

خبرتورک روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, توناون تلفن آرقه لی امریکا قوشمه ایالتلری ملی خوفسیزلیک مشاوری رابرت اوبرین بیلن اوچره شگن لیگی نی بیلدیرماقده. 

خبرده, اوشبو اوچره شوو جریانیده, سوریه نینگ شمالیده امن بیر منطقه نینگ قوریلیشی توغریسیده صحبت ایتیلیب اوشبو ساحه بوییچه بوندن کیین تشله نه دیگن قدم لر باره سیده بحث ایتیلگن لیگی بیلدیریلماقده. 

ستار روزنامه سی, تورکیه پطرول لری شرکتی تامانیدن تورکیه نینگ تیکیرداغ ولایتی نینگ قاپاقلی تومنیده آلیب باریلیاتگن طبیعی گاز قیدیریش فعالیت لری نینگ نتیجه بیرگن لیگی نی یازماقده. 

خبرده, منطقه ده بای بیر طبیعی گاز معدنی نینگ تاپیلگن لیگی معلوم قیلینماقده. 

وطن روزنامه سی, دنیا بانکی نینگ, تورکیه نینگ 2019- ییلده اقتصادی کوچی نینگ آرتیب کیتیشی نینگ ممکن ایکن لیگی نی بیلدیرگن لیگی نی یازماقده. 

خبرده, دنیا بانکی نینگ 2020 و 2021 – ییلده ایسه ناخالص ایچکی عایدات جهتی دن آلیب قره گنده تورکیه نینگ اقتصادی کوچی نینگ 3 و 4 فایز مقیاسیده آرتیب کیتیشی نینگ ممکن ایکن لیگی نی بیلدیرگن لیگی گه دقت قره تیلماقده.