تورکیه مطبوعاتیدن خلاصه لر 03.10.2019

صباح روزنامه سی, تورکیه جمهوریتی ملی مدافعه وزیری خلوصی آقر نینگ, سوریه ده امریکا قوشمه ایالتلری بیلن کیلیشیب آلینگن حالده امن بیر منطقه نینگ قوریلیشی بوییچه وقت نینگ اوتیشی گه اجازت بیرمَیدیگن لیک لری نی بیلدیرگن لیگی نی معلوم قیلماقده. 

خبرده, آقر نینگ, "امن منطقه نینگ قوریلیشی بوییچه آلدین بولگن لیگی دیک, بوندن کیین هم وقت نی اوتکزیش سیاستی نینگ تعقیب ایتیلیشی تقدیرده, امریکا قوشمه ایالتلری بیلن مشترک فعالیت لر اداققه ییته دی.  اوشبو موضوع توغریسیده قرارلی ایکن لیگی میز انیق" دییه قید ایتگن لیگی بیلدیریلماقده. 

خبرتورک روزنامه سی, اوتگن ییل نینگ خوددی شوو دوری بیلن سالشتیریلگنده جاری ییل نینگ سپتامبر آییده تورکیه نینگ صادرات میزانی نینگ 22,7 فایز مقیاسیده آرتیب کیتگن لیگی نی بیلدیرگن تورکیه جمهوریتی تجارت وزیری رخسار پیکجان نینگ, "جاری ییل نینگ سپتامبر آییده صادراتی میز 15 میلیارد 220 میلیون دالر گه کوتریلیب کیتدی" دییه قید ایتگن لیگی نی بیلدیرماقده. 

حریت روزنامه سی, اوتگن ییل نینگ خوددی شوو دوری بیلن سالشتیریلگنده تورکیه جمهوریتی مرکز بانکی نینگ سود میزانی نی توشیریشی آرتیدن, دولت و خصوصی سکتور بانک لری نینگ هم قرضه بوییچه سود میزانی نی توشیریشی نتیجه سیده, سپتامبر آییده تورکیه ده موتر ساتیش نینگ 100,67 فایز آرتیب کیتگن لیگی نی یازماقده. 

خبرده, سپتامبر آییده توپلم 41 مینگ 992 موتر نینگ ساتیلگن لیگی بیلدیریلماقده. 

وطن روزنامه سی, مرکزی آلمان ده اورین آلگن موتر فابریکه سی فولکس واگن نینگ, تورکیه نینگ مانیسا ولایتیده 943,5 میلیون لیره  (165 میلیون 237 مینگ دالر) سرمایه گه ایگه بیر شرکت قورگن لیگی نی معلوم قیلماقده.

خبرده, فولکس واگن نینگ مانیسا ده 1,4 میلیارد دالرلیک سرمایه گذارلیک قیله دیگن لیگی بیلدیریلماقده. 

روزنامه, اوشبو شرکت لرنینگ فولکس واگن موتر لرنینگ خوددی شوو ییرنینگ اوزیده ایشلب چیقاریلب ساتیلیشی اوچون قوریلگن لیگی نی یازماقده. 

ستار روزنامه سی, 3- 6 سپتامبر کون لری ده تورکیه نینگ استانبول ولایتیده جایلشگن یشیل کوی اتاتورک قونلغه سیده تورتینچی ایتنوسپورت فستیوالی نینگ بولیب اوته دیگن لیگی گه دقت قره تماقده. 

خبرده, دنیا ده گی عنعنوی اوین لرنینگ فرقلی جغرافیه لر گه ییتیشتیریلیب بیریلیشی بوییچه رول اوینَیاتگن اوشبو فستیوال گه 16 اولکه نینگ اشتراک ایته دیگن لیگی معلوم قیلینماقده. 

روزنامه, اوشبو فستیوال دایره سیده اوقچیلیک, کوره ش  و کوپکَری سنگری 12 عنعنوی اوین بوییچه مسابقه اوتکزیلیشی نینگ کوتیلیاتگن لیگی نی بیلدیرماقده.