تورکیه نینگ مطبوعات خلاصه لری

تورکیه نینگ مطبوعات خلاصه لری  

حریت روزنامه ‌سی: ف-16 لر سوريه‌ده پرواز قیلدی.

ملي مدافعه‌ وزیرلیگی طبيعي قرارلیلیک حرکاتی دایره‌سیده حربي-هوا کوچلری قوماندانلیگیگه عاید ف-16 مودل ده‌گی ایکّیته اوچاق نینگ ‌ ساعت 10:00 دن 12:00 گچه سوريه هوا ساحه‌سیده پرواز قیلگنلیگینی معلوم قیلدی.

صباح روزنامه ‌سی: پا‌کدیمیرلی، سوت صادراتی اوچون چین بیلن کیلیشیب آلیندی.

زراعت و اورمان وزیری بکر پا‌کدیمیرلی ختایگه سوت صادرات قیلیش مقصدی بیلن وترنرلیک‌ سلامتلیگی توغریسیده‌گی گواهنامه اوستیدن کیلیشیب آلینگنلیگینی قید ایتدی. توناون‌ خلق‌ارا سوت فدراسیونی تامانیدن استا‌نبولده سوت بوییچه‌ اویوشتیریلگن خلق‌ارا جلسه ده نطق سوزله‌گن پا‌کدیمیرلی، تورکيه تامانیدن یقین شرق بازاریگه کینگ ترقه‌گن صادراتنی، اوزاق شرق بازاریده هم یاییشنی کوزله‌گنلیکلرینی بیلدیردی.

وطن روزنامه ‌سی: تورک هوا یولی گه عاید ینگی اوچاق نینگ نامی معلوم بولدی.

تورک هوا یوللری اوچاقلری قطاریگه ینگی قوشیلگن ایربوس A321 نیو مودلیده‌گی اوچاققه "سیوری حصار" دیگن نام بیریلدی. ینگی اوچاق نینگ قبول قیلینیب آلینگنینی THY مطبوعات مدیری یحیا اوستون، اجتماعي میدیا آرقه‌لی اعلان قیلدی.

ستار روزنامه ‌سی: پولند استا‌نبول قونلغه سینی اورنک آلماقچی.

پولند‌ نینگ زیربنا وزیری اورینباسری میکالج ویلد، ورشوو‌گه یقین نقطه‌ده قوریله‌دیگن مرکزي قونلغه اوچون استا‌نبول قونلغه سینی دولت-خصوصي شریکلیک و اقتصادي جهتدن چوقور کوریب چیققنلیکلرینی معلوم قیلدی. ویلد، «استا‌نبول قونلغه سی نینگ اقتصادی توزیلیشی بیز اوچون ایلهام بخش ایدی. استا‌نبولده‌گی پروژه‌ده اشتراک ایتگن شرکت‌لر بیلن همکارلیک قیلیش مسأله‌سینی قولگه آلماقده‌میز» دیدی.

خبر تورک روزنامه ‌سی: امریکالیک قوشیقچی دیلله مِیلیس، مولانا حضرتلری نینگ مقبره‌سینی زیارت قیلدی.

 قونيه ولایت مدنیت و توریزم مدیرلیگی نینگ دعوتیگه بناءً 16- خلق ارا قونيه میستیک موسیقی‌ فستیوالیده اشتراک ایتیش اوچون قونيه‌گه تشریف بویورگن امریکالیک قوشیقچی دیلله مِیلیس، اولوغ شاعر و متصوف مولونا جلاالدین رومي بلخی مقبره‌سینی زیارت قیلدی. تورکيه‌ده یشب باشله‌گنیدن کیین اسلام دینینی قبول قیلیب مسلمان بولگن مِیلیس گه، مولانا مدنیت مرکزیده اویوشتیریلگن فستیوال یکونیده ساوغه‌ تقدیم ایتیلدی.