تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: «دولت باشلیغی ایردوغان نینگ امریکا قوشمه ایالتلریده اوچره شوولرده دیب بیرگن خبرده؛
دولت باشلیغی رجب طیب ایردوغان 24- سپتامبر کونی بیرلشگن ملتلر تشکیلاتی عمومی کینگشیده باش منشی انتونیئو گوتررز بیلن اوچره‌شه‌دی. ایردوغان، "برقرار رواجلنیش مقصدلرینی عملگه آشیریشگه تأثیر ایتووچی میگا یانداشوو‌لر " دیب ناملنگن رهبرلر دیالوگی ییغیلیشیگه قتنه‌شه‌دی و بو ییرده نطق سوزله‌یدی. ایردوغان پاکستان باش وزیری عمران خان بیلن "نفرتلی نطققه قرشی کوره‌ش" دیب ناملنگن پروگرام اوتکزیشی کوتیلماقده. تورکيه-ملزیا-پاکستان اوچ تامانلمه مجلسی بولیب اوته‌دی . شونینگدیک، ایردوغان بعضی دولت و حکومت رهبرلری بیلن ایکّی تامانلمه مذاکره‌لر هم اوتکزیشی کوتیلماقده.
خبر تورک روزنامه سی: "تورکيه، امریکا قوشمه ایالتلرینی فتح الله‌چی ترور تشکیلاتی (فتو) موضوعسیده آگاهلنتیردی» دولت رئیسلیک علاقه رئیسی فخرالدین آلتون، امریکا قوشمه ایالتلری جماعتچیلیگینی فتو باره‌سیده آگاهلنتیردی. آلتون « اوشبو شر تشکیلات، امریکا قوشمه ایالتلری خلقی تووله گن سالیقلرنی ناحق آلیشی طفیلی سیزنینگ هم معمانگیز دییه امریکا قوشمه ایالتلریده‌گی ناقانوني فعالیتی توغریسیده آگاهلنتیردی.
حریت روزنامه سی: "تیکنافیست آخرگی کونیده کتّه اعتبارنی تارتدی"
استا‌نبول اهواچیلیک، فضا و تکنالوژي‌لر فستیوالی تیکنافیستده آخرگی کونی تماشاچی انچه آشدی. دَم آلیش کونلری و آب-هوانینگ یخشی بولیشینی بیلگن زیارتچیلر تیکنافیستنی زیارت ایتدیلر. اون مینگلب تماشاچی فستیوال میدانیگه کیلگن پیتده آته‌تورک قونلغه سی اطرافی یول حرکت انچه تیغیز ایدی. هواچیلیک نمایشی تماشا‌بینلرنی دقّتینی جلب ایتدی.
یینی شفق روزنامه سی: «استا‌نبول قونلغه لری یازده 28 میلیون یولاوچینی قبول قیلدی»
بو ییل یازده استا‌نبول قونلغه لریده عملگه آشیریلگن پروازلر بوییچه او اوتگن ییل نینگ یاز موسمینی آرتده قالدیردی. اوتگن ییل نینگ جون، جولای و آگست آیلریده آته‌تورک قونلغه سیده 18 میلیون 822 مینگ 286 یولاوچی قبول قیلیندی. صبیحه گوکچن خلق‌ارا قونلغه سی، خودّی شو دورده 9 میلیون 468 مینگ 936 یولاوچینی قبول قیلدی. اوتگن ییل نینگ شو دوریگه نسبتاً استا‌نبول قونلغه سی یولاوچی سانی 437 مینگ 590 کیشیگه کوپه‌یدی.
ستار روزنامه سی : "صنعت اثرلری و تابلو صادراتی 5 ییل ایچیده 5 برابر آشدی
صنعت و رسم اثرلری صادراتی 5 ییل ایچیده 5 برابر آشدی و 19،7 میلیون دالرگه ییتدی. مملکت نینگ صنعت اثری نینگ اکثریتی بویوک بریتا‌نيا‌گه صادرات قیلینماقده، 5 ییل ایچیده واردات ایسه 55 فایز کمه‌یدی. بدیعي اثرلرنی صادرات قیلیشده رسملر کتّه قیزیقیش اویغاتدی.
