تورکیه مطبوعاتیدن خلاصه لر 20.09.2019

حریت روزنامه سی, تورکیه جمهوریتی ایچکی ایش لر وزیری سلیمان سویلو نینگ, "اولکه میزده سوریه لیک مهاجر لر سانی 3,5 میلیون دن آشدی.  فرات قالقانی و زیتون ناوده سی عملیات لری آرقه لی تامین ایتیلگن امکانیت لر نتیجه سیده حاضرگی کون گه قدر 354 مینگ سوریه لیک اوز یورت لری گه قیتیب کیتدی" دییه قید ایتگن لیگی نی یازماقده. 

صباح روزنامه سی, بایکار تخنیک باشلیغی و تورکیه تکنالوژی تیمی وقفی نینگ باشلیغی سلجوق بیرقدار نینگ, اوتگن ییل بیلن سالشتیریلگند, جاری ییلده, تکنوفست استانبول هواچیلیک, فضا و تکنالوژی فستیوالی گه اشتراک میزانی نینگ انچه کوپ ایکن لیگی نی معلوم قیلرایکن, "اوتگن ییلده تکنوفست گه 60 فرقلی اولکه دن 550 مینگ کیشی اشتراک قیلدی.  جاری ییلده ایسه 122 اولکه دن اشتراک قیلگن وضعیتده.  اشتراک قیلگن کیشی لر سانی ایلک ایککی کونده 250 مینگ کیشی دن آشدی" دییه قید ایتگن لیگی نی معلوم قیلماقده. 

وطن روزنامه سی, تورکیه نینگ, جاری ییل نینگ جنوری بیلن جون آی لری آره سیده 170 اولکه گه تقریباً 13 میلیارد دالرلیک موتر صادر قیلگن لیگی نی بیلدیرماقده. 

خبرده, تورکیه دن اینگ کوپ اوروپا اولکه لری گه صادرات قیلینگن لیگی ایسله تیلماقده. 

خبرتورک روزنامه سی, اقتصادی همکارلیک و رواجله نیش تشکیلاتی نینگ, تجارت اوروش لری و سیاسی نا انیق لیق لر سببلی خلق ارا مقیاسده اقتصادی کوچ میزانی بوییچه تخمین لری نی توشیرگن لیگی نی بیلدیررایکن, 2019 – ییلده تورکیه نینگ اقتصادی کوچی نینگ آرتیاتگن لیگی نی معلوم قیلگن لیگی نی ایسلتماقده. 

ستار روزنامه سی, تورکیه نینگ ای ملی فوتبال تیمی نینگ, دنیا بویلب فیفا ده 36 – اوریننی ایگلله گن لیگی نی بیلدیرماقده. 

خبرده, فیفا نینگ انترنت سایتی آرقه لی بیرگن بیاناتده, سپتامبر آییده بلجیم نینگ بیرینچی اوریننی ایگلله گن لیگی معلوم قیلینماقده. 

روزنامه, فرانسه نینگ ایککینچی و برازیل نینگ ایسه اوچینچی اورین گه ایگه بولگن لیگی نی یازماقده.