تورکیه مطبوعاتیدن خلاصه لر 19.09.2019

صباح روزنامه سی, تورکیه جمهوریتی جمهوررئیسی رجب طیب اردوغان نینگ, توناون 2019-2020 تحصیلی ییل نینگ آچیلیشی بیلن علاقه لی ترتیب لنگن مراسمده قیلگن معروضه سیده, غربی اولکه لر نینگ صمیمیتسیر سیاست لری سببلی ییچیله آلمَیاتگن سوریه لیک مهاجر لر و خوفسیز منطقه توغریسیده, "2 هفته ده نتیجه نینگ معلوم بولمس لیگی تقدیرده اوزی میز اقدام قیله میز" دییه قید ایتگن لیگی نی معلوم قیلماقده. 

وطن روزنامه سی, تورکیه جمهوریتی تجارت وزیری رخسار پیکجان نینگ, توناون انقره ده تورکیه- ایران تجارت ییغیلیشی جریانیده قیلگن معروضه سیده, ایران بیلن مناسبت لرنینگ جوده یخشی ایکن لیگی نی بیلدیررایکن, "تجارت حجمی نی آرتیریش بوییچه قرارلی میز" دییه قید ایتگن لیگی نی بیلدیرماقده. 

ینی شفق روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, توناون انقره ده بولیب اوتگن صنایع و تکنالوژی ستراتیژی سی ییغینیده قیلگن صحبتیده, صنایع ساحه سی بوییچه صادرات حصه سی نی 2023 – ییل گه قدر 21 فایز گه آرتیریش نی هدف قیلیب آلگن لیک لری نی بیلدیرگن لیگی نی یازماقده. 

خبرده, وارانک نینگ, "تورکیه نینگ کمیده خلق ارا مقیاسده دنیا بویلب مشهور 23 عقللی محصول ایشلب چیقاریشی نی هدف قیلیب آلگن میز.  اوشبو هدف لری میز گه نایل بولیش اوچون صنایع ستراتیژی میزده بیش اساسی پلان بیلن 23 فرقلی سیاست انیق له دیک" دییه قید ایتگن لیگی بیلدیریلماقده. 

ستار روزنامه سی, بایکار تخنیک باشلیغی و تورکیه تکنالوژی تیمی وقفی نینگ باشلیغی سلجوق بیرقدار نینگ, تورکیه نینگ بیرینچی وطنی تولیدی دن عبارت بولگن پیلوت سیز تعرض اوچاغی نینگ اکتوبر آییده بیرینچی پروازی نی عملگه آشیریش نی  آرزو قیلیاتگن لیک لری نی بیلدیرگن لیگی نی ایسلتماقده. 

حریت روزنامه سی, تورک هوا یوللری طیاره لری نینگ چین نینگ ژیان شهری گه اوچه باشله گن لیگی نی یازماقده.