تورکیه مطبوعاتیدن خلاصه لر 16.09.2019

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, قبرس روم قسمی نینگ تشقی ایش لر وزیری نیکوس هریستودولیدیس نینگ, تورکیه بیلن شمالی قبرس تورک جمهوریتی جمهوررئیسی مصطفی آقینچی اورته سیده فکر فرقلی لیق لری نینگ موجود ایکن لیگی توغریسیده گی سوز لری گه قتتیق عکس العمل کورستگن لیگی نی معلوم قیلماقده.

خبرده, قبرس روم نشراتی اورگان لری بیلن مصاحبه قیلگن چاووش اوغلی نینگ, "آقینچی, شمالی قبرس تورک جمهوریتی حکومتی و سیاسی حزب لر بیلن یقیندن ارتباطده میز.  نیکوس حدسیزلیک قیلمه سین" دییه قید ایتگن لیگی ایسله تیلماقده. 

روزنامه, چاووش اوغلی نینگ قبرس ده ایککی دولت لیک بیر ییچیم یولی امکانیتی نینگ موجود ایکن لیگی نی بیلدیررایکن, "تامان لرنینگ تیار بولیشی تقدیرده, بولیشی ممکن.  بیز برچه ییچیم یول لری گه تیارمیز" دییه قید ایتگن لیگی نی بیلدیرماقده. 

ینی شفق روزنامه سی, تورکیه جمهوریتی تشقی ایش لر وزیری مولود چاووش اوغلی نینگ اسرائیل باش وزیری بنیامین نتنیاهو نینگ غربی نوارده گی اردن وادی سی بیلن ناقانونی روشده قوریلگن یهودی تورر جای لرنینگ اسرائیل گه قوشیب آلیش بوییچه سوز لری اوچون اویَلیشی کیره ک ایکن لیگی نی بیلدیرگن لیگی نی معلوم قیلماقده. 

خبرده, چاووش اوغلی نینگ, "اوشبو اویت سوز لر نینگ فقط گینه سیلاو لرده بیر نیچه رای آلیش اوچون ایکن لیگی انیق" دییه قید ایتگن لیگی ایسله تیلماقده. 

خبرتورک روزنامه سی, جاری ییل نینگ جنوری بیلن آگست آی لری آره سیده استانبول قونلغه لریدن 466 مینگ 906 ایچکی و تشقی پرواز بیلن 68 میلیون 448 مینگ 359 یولاوچی نینگ استفاده قیلگن لیگی نی یازماقده. 

خبرده, خوددی شوو دور نینگ اوزیده استانبول ده گی اتاتورک قونلغه سیدن ایچکی پرواز لر اوچون 4 میلیون 227 مینگ 132 کیشی و تشقی پرواز لر اوچون ایسه 11 میلیون 845 مینگ 402 یولاوچی نینگ استفاده قیلگن لیگی بیلدیریلماقده. 

حریت روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, "متشبث لرنی قوللب- قوتلش برنامه سی دایره سیده اوشبو منبع دن استفاده قیلیش حقی گه ایگه بولگن 5 فوند اوچون پروتوکول پروسه سی باشله دی.  سیستمی میز گه کیریتیله دیگن 5 ینگی فوند نینگ اولکه میزده سرمایه گذارلیک قیلیش اوچون تامین ایتیله دیگن منبع, ایلک نوبتده 628 میلیون لیره دن عبارت بولیب, کیین چه لیک ایسه اوشبو رقم 1,1 میلیارد لیره گه آرتیریله دی" دییه قید ایتگن لیگی نی معلوم قیلماقده.