تورکیه مطبوعاتیدن خلاصه لر 12.09.2019

خبرتورک روزنامه سی, تورکیه جمهوریتی تشقی ایش لر وزیرلیگی نینگ, اسرائیل باش وزیری بنیامین نتنیاهو نینگ اردن وادی سی نینگ الحاقی بیلن علاقه لی سوز لری گه قتتیق عکس العمل کورستگن لیگی نی بیلدیرماقده. 

خبرده, تشقی ایش لر وزیرلیگی تامانیدن بیریلگن بیاناتده, "نتنیاهو نینگ, 17 سپتامبر کونی بولیب اوته دیگن سیلاو لر نتیجه سیده موفق بولیشی تقدیرده, غربی نوار ده گی اردن وادی سی بیلن ناقانونی روشده قوریلگن یهودی تورر جای لرنی الحاق قیله دیگن لیگی بوییچه سوز لری اسرائیل نینگ اونلب ییلدن بیری دوام ایتیب کیلیاتگن اشغال سیاستی و حقوققه گه اویغون بولمه گن حرکت لری نینگ ینگی کورستگیچی دن عبارت" دییه قید ایتیلگن لیگی ایسله تیلماقده. 

حریت روزنامه سی, تورکیه جمهوریتی تجارت وزیری رخسار پیکجان نینگ, هالند ده تورکیه- هالند اقتصاد و تجارت کمیته سی دایره سیده کینگ کولملی تجارت کیلیشووی امضاله گن لیک لری نی بیلدیرگن لیگی نی معلوم قیلماقده.

خبرده, پیکجان نینگ, اوشبو کیلیشوو دایره سیده اینگ کوپ ایککی تامانلمه سرمایه گذارلیک, ستندرت لشتیریش, ترانسپورت, عقللی و یشیل شهر لر, بیلیم و عیال لرنینگ متشبث لیگی سنگری موضوع لرنینگ بحث موضوعی بولگن لیگی نی بیلدیرگن لیگی گه دقت قره تیلماقده. 

ینی شفق روزنامه سی, تورکیه جمهوریتی جمهوررئیسلیک سرمایه گذارلیک دفتری نینگ باشلیغی آردا آرموت نینگ, تورکیه بیلن انگلستان نینگ کوچلی بیر اقتصادی مناسبت گه ایگه ایکن لیگی نی بیلدیررایکن, "برگزیت آرتیدن مناسبت لری میز نینگ کوچلی بیر شکلده دوام ایته دیگن لیگی گه ایشانماقده من" دییه قید ایتگن لیگی نی یازماقده. 

وطن روزنامه سی, مالزیا ده بولیب اوتگن بیر مراسم آرقه لی تورکیه ده تولید قیلینگن پیلوت سیز طیاره لرنینگ نمایش ایتیلیب اوشبو اوچاق لر حقیده معلومات بیریلگن لیگی نی بیلدیرماقده. 

خبرده, نمایش ایتیلگن اوشبو اوچاق لرنینگ قورالسیز و قوراللی پیلوت سیز طیاره لردن عبارت ایکن لیگی معلوم قیلینماقده. 

روزنامه, اوشبو طیاره لر گه مالزیا مطبوعاتی نینگ قیزیقیشی نینگ هم جوده کتته بولگن لیگی نی یازماقده. 

خبرده, اوشبو مراسم دایره سیده تورکیه - مالزیا نینگ اورتاق پروژه لری باره سیده هم معلومات بیریلگن لیگی بیلدیریلماقده. 

صباح روزنامه سی, تورکیه جمهوریتی نینگ, جاری ییل نینگ جنوری بیلن جون آی لری آره سیده 162 اولکه گه 3 میلیارد 304 میلیون 418 مینگ دالرلیک کییم- کیچک خام ماده سی ساتگن لیگی نی معلوم قیلماقده. 

خبرده, اوشبو محصولات نینگ اینگ کوپ اوروپا اولکه لری گه صادر قیلینگن لیگی گه دقت قره تیلماقده. 

روزنامه, اسپانیا گه 645 میلیون 906 مینگ دالر, آلمان گه 427 میلیون 754 مینگ دالر, انگلستان گه 293 میلیون 237 مینگ دالر, هالند گه 205 میلیون 649 مینگ دالر و فرانسه گه ایسه 137 میلیون 391 مینگ دالرلیک صادرات قیلینگن لیگی نی یازماقده.