تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه‌سی: «ایردوغان ترامپ بیلن تیلفونده ملاقات قیلدی» سرلوحه‌سی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان امریکا قوشمه ایالتلری دولت باشلیغی دونا‌لد ترامپ بیلن تیلفونده ملاقات قیلدی. صحبت چاغیده سوريه‌ده‌گی وضعیت محاکمه قیلیندی.
حریت روزنامه‌سی: «امریکا قوشمه ایالتلری ایلچیسی ایردوغانگه ایشانچ مکتوبینی تاپشیردی» سرلوحه‌سی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان توناون دولت رئیسلیک سراییده امریکا قوشمه ایالتلری نینگ ینگی تعیینلنگن بویوک ایلچیسی سه‌تتیرفییلدنی قبول قیلدی. قبول چاغیده، امریکا قوشمه ایالتلری نینگ ینگی تعیینلنگن بویوک ایلچیسی سه‌تتیرفییلد دولت باشلیغی ایردوغانگه ایشانچ مکتوبینی تاپشیردی. شو بیلن 22 آی آره‌دن سونگ، امریکا قوشمه ایالتلری نینگ تورکيه‌ده‌گی ینگی تعیینلنگن بویوک ایلچیسی اوز وظیفه‌سینی بجریشگه کیریشدی.
وطن روزنامه‌سی: «عراق-تورکيه اورته‌سیده ینگی نفت پیپ لاینی کون ترتیبده» سرلوحه‌سی بیلن بیرگن خبرده یازیلیشیچه، تورکيه انرژی و طبيعي منبعلر وزیری فاتح دونمیز توناون عراق نفت وزیری سمیر الغضبان بیلن بیر قطار ینگی پروژه‌لرنی کوزدن کیچیریش فرصتیگه ایگه بولگنلیگینی معلوم قیلدی. «عراق-تورکيه نفت پیپ لاین ترماغی نه‌فقط عراق نینگ شمالیده‌گی نفتنی، بلکه مملکت نینگ باشقه حدودلریدن چیقریلگن نفتنی خلق‌ارا بازارگه ییتکزیش جهتیدن کتّه اهمیت کسب ایته‌دی. ینگی پروژه‌لر ایشلب چیقیلگن و بیز بونی ممنونیت بیلن کوتیب آلدیک»،-دیب ایتدی.
ستار روزنامه‌سی: تورکیه اقتصادی ایشانچ ایندیکسی اگست آییده اوتگن آیگه قره گنده 7،9 فایز یوقاری باریب 80،7 دن 87،1 گه ییتدی.
تورکیه استاتستیک اداره سی (TÜİK) اگست آیی نینگ اقتصادی ایندیکسینی اعلان قیلدی.
شونده ی قیلیب، تورکیه اقتصادی ایشانچ ایندیکسی اگست آییده اوتگن آیگه قره گنده 7،9 فایز یوقاری باریب 80،7 دن 87،1 گه ییتدی.
انه شو مصرف قیلووچی، تولید قیلووچی، خدمات، پرچون، تجارت و ساختمان سکتوری ایشانچ ایندیکسی ایندیکسده گی کوپه ییش گه سبب بولگن.
اگست آییده مصرف قیلووچی ایشانچ ایندیکسی 58،3 ریئیل ایندیکسی 102،1 خدمات سکتوری ایشانچ ایندیکسی 89،1 فایز، پرچون تجارت 95 و ساختمان سکتوری 55،5 درجه یوقاری باردی.
یینی شفق روزنامه‌سی: «2700 ییل اوّل بیرینچی بار وا‌نده قوللنیلگن» سرلوحه‌سی بیلن بیرگن خبرده یازیلیشیچه، اورا‌رتو مدنیتی نینگ اینگ کورکملی اثرلریدن بیری ایا‌نیس قلعه‌سیده آلیب باریلگن قازوو فعالیتلری نتیجه‌سیده 2700 ییل اوّل قوللنیلگن سینتیتیک بویه نمونه‌لری تاپیلدی. قازوو فعالیتلری باشلیغی رئیسی پرفیسر مِحمد ایشیقلی باشچیلیگیده‌گی تدقیقاتچی گروه تامانیدن آلیب باریلماقده. قازوو‌لرده قلعه نینگ دیني مراسملر اوتکزیله‌دیگن بولیمی نینگ دیوارلری 2700 ییل آلدین بویه‌لگنلیگی انیقلندی.
