تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1719081804)
تورکیه نینگ مطبوعات خلاصه لری
خبر تورک روزنامهسی: دولت باشلیغی ایردوغان یقینده تورک زمینی کوچلری نینگ فرات دریاسی نینگ شرقیگه کیریب باریشی ممکنلیگینی قید ایتدی.
دولت باشلیغی رجب طیب ایردوغان، تروریزمگه قرشی کورهش دایرهسیده تورکيه نینگ مملکتده هم چیت ایلده هم موفقیتلی روشده کورهش آلیب بارهیاتگنلیگینی قید ایتدی. سوريهدهگی فرات دریاسی نینگ شرقیدهگی معمانی حل قیلیش اوچون اینگ اوّلا دیپلوماتیک یوللرگه مراجعت قیلیش نیتیده ایکنلیکلرینی ایسلهتیب اوتگن ایردوغان، «امریکا قوشمه ایالتلری بیلن بولگن اوچرهشوولردن نتیجه آلالمهگودیک بولسهک اونده اوز ریجهلریمیزنی یولگه قوییشگه مجبورمیز. قوراللی، قورالسیز اوچووچیسیز هوا واسطهلریمیز، تیک اوچرلریمیز حدودگه کیریب باردی. یقینده زمینی کوچلریمیز هم کیره دی» دیدی.
حریت روزنامهسی: انرژی وزیری نینگ قید ایتیشیچه تورکيه اصلا آرتگه قَیتمهیدی. انرژی و طبيعي منبعهلر وزیری فاتح دونمیز، تورکيه نینگ شرقي آق دینگیزیدهگی حق و حقوقیدن اصلا واز کیچمسلیگینی قید ایتدی. تورکيه نینگ بورغولش و سیسمیک کیمهلری آرقهلی حدودده فعالیت آلیب بارهیاتگنلیگینی تأکیدلهگن دونمیز، «شرقي آق دینگیزی بوتون تورکيه نینگ مشترک مسألهسیدیر. خلق صفتیده توناون قهییرده بولسهک، بوگون هم خوددی انه شو ییردهمیز. شوندهی ایکن ایرتهگه هم انه شو ییرده بولیشلیکنی دوام ایتتیرهمیز» دیدی.
وطن روزنامهسی: بوگون س-400 راکت بطریسی نینگ ایکّینچیسینی آلیب کیلیش ایشلری باشلهماقچی.
ملي مدافعه وزیری خلوصي آقر، شو ییل نینگ 12- جولایی کونی س-400 راکت تیزیملرینی تاپشیریش ایشلری نینگ باشلهگنلیگینی، شو دایرهده آلیب باریلگن فعالیتلرنینگ دوام ایتگنلیگینی قید ایتدی. خلوصی آقر، «بیرینچی بطری کیلدی. ایکّینچی بطرینی آلیب کیلیش ایشلری 27-اگستدن اعتباراً باشلهیدی. مقصدیمیز یورتیمیز و خلقیمیزنی تشقریدن کیلهدیگن هوا و راکت خوفیگه قرشی حمایه قیلیشدیر» دییه گپیردی.
یینی شفق روزنامهسی: ایشانچ ایندیکسی کوتریلدی، صنایع 76،6 فایزگه اوسدی.
تورکيه جمهوریتی مرکزي بانکی صنایع نینگ ظرفیتیدن فایدهلنیش درجهسینی معلوم قیلدی. مذکور معلوماتگه کوره اگست آییده صنایع نینگ ظرفیتیدن فایدهلنیش درجهسی آلدینگی آیگه نسبتاً 0.4 فایزگه آرتگن. تورکيه استاتیستیک کمیتهسی ایسه ایشانچ ایندیکسی نتیجهلرینی معلوم قیلدی. اونگه کوره خدمت ترماغی نینگ ایشانچ ایندیکسی اگست آییده 6.7، پرچون سودا سکتوری ایشانچ ایندیکسی 5.1 فایز، قوریلیش ترماغی ایشانچ ایندیکسی ایسه 6 فایزگه کوتریلدی.
صباح روزنامهسی: تورکيه ملي والیبال تیرمه جماعهسی 3 تورده هم غلبهنی قولگه کیریتدی.
عیاللر اورتهسیده والیبال بوییچه بو ییلگی اروپا بیلله شووی نینگ A گروهیده تورکيه بلغاريانی 3-1 حسابیگه مغلوب قیلدی. انقره اریناده اوتکزیلگن کورهشده تورکيه بلغاريانی 25-21، 25-11، 20-25 و 25-18 نتیجهلری بیلن 3-1 حسابیگه مغلوب قیلدی. تورکيه ملي والیبال تیرمه جماعهسی گروهیدهگی تورتینچی مسابقهسیده هفته نینگ چارشنبه کونی ساعت 19:30 ده فرانسه بیلن کوچ سینهشهدی.