تورکیه مطبوعاتیدن خلاصه لر 01.06.1398

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, قبرس روم رهبریتی نینگ بیر تامانلمه اوله راق آقدینگیزده هایدروکاربن قیدیریش فعالیت لری گه عکس العمل کورستگن لیگی نی معلوم قیلماقده. 

خبرده, قبرس روم رهبریتی نینگ اوتمیشده ارالده قیلگن ظلم لری سببلی تورکیه نینگ 1974- ییلده قبرس تینچلیک عملیاتی نی اویوشتیرگن لیگی نی بیلدیرگن اردوغان نینگ, "اوتمیشده گی تجربه لردن عبرت آلمه گن تامان لرنینگ موجود بولیشی تقدیرده, اولر گه هم کیره کلی جواب نی بیره دیگن لیگی میز نی ایسله تیب اوتماقچی من" دییه قید ایتگن لیگی بیلدیریلماقده. 

صباح روزنامه سی, تورکیه بیلن امریکا قوشمه ایالتلری نینگ مشترک روشده سوریه نینگ شمالیده امنیت منطقه قوره دیگن لیک لری نی معلوم قیلماقده. 

خبرده, اوشبو امنیت منطقه نینگ جوده یقین بیر کیله جکده قوریله دیگن لیگی گه دقت قره تیلماقده. 

روزنامه, ساحه نینگ تحلیل ایتیلیشی آرتیدن تخنیکی مسئله لر توغریسیده بحث ایتیلیشی کیتیدن تورکیه و امریکا تامانیدن اورتاق روشده باشقریله دیگن مشترک عملیات مرکزی نینگ فعالیت گه باشلیدیگن لیگی نی بیلدیرماقده. 

خبرتورک روزنامه سی, تورکیه ده گی چنق قلعه تنگه سیده قوریلگن 1915 چنق قلعه کوپریگی نینگ تقریباً 3 آی آلدین باشله تیلگن قوریلیش ایش لری نینگ دوام ایتیاتگن لیگی نی معلوم قیلماقده. 

خبرده, اوشبو دایره ده کوپریک نینگ 318 متر لیک پایه لری نینگ کورینه باشله گن لیگی بیلدیریلماقده. 

روزنامه, اوشبو کوپریک نینگ اوروپا بیلن آسیا نی بیرلشتیره دیگن کوپریک دن عبارت بوله دیگن لیگی نی یازماقده. 

وطن روزنامه سی, "تورکیه نینگ ساختمان سکتوری دنیا ده ایککینچی اوریننی ایگلله دی" عنوانی بیلن بیرگن بیر خبریده, خلق ارا مقیاسده گی اقتصادی قیین چیلیک لر گه قره مسدن, خلق ارا ساختمان سکتوری مجله سیدن عبارت ENR نینگ "دنیا نینگ اینگ کتته 250 ساختمانی شرکت لر" لستیده تورکیه دن 44 شرکت نینگ ایککینچی اورین نی ایگلله گن لیگی نی بیلدیرماقده. 

ستار روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, تورکیه ده مصنوعی ذکا انستیتوتی قوریش نی ریجه لیاتگن لیک لری نی بیلدیررایکن, اوشبو موسسه نینگ خوددی شوو ساحه بوییچه فعالیت آلیب باره دیگن لیگی نی معلوم قیلگن لیگی نی یازماقده. 

خبرده, تورکیه نینگ ینگی تکنالوژی لرنینگ مرکزی بولیش اوچون برچه امکانیت لریدن فایده له نیش گه حرکت قیلیاتگن لیگی نی بیلدیرگن وارانک نینگ, دیجیتال تکنالوژی شرکت لری نینگ ینگی تکنالوژی لرنینگ اویلب چیقاریلیشی اوچون کیره کلی فعالیت لر نی عملگه آشیریاتگن لیگی نی معلوم قیلگن لیگی ایسله تیلماقده.