تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامهسی: چاووش اوغلی، ادلبدهگی تورک قطارینی نشانگه آلگن هجوم حقیده بیانات بیردی.
تشقی ایشلر وزیری مولود چاووش اوغلی سوريه نینگ ادلب منطقه سیده توناون کونی تورک قوراللی کوچلری قطارینی نشانگه آلگن هجومگه توختهلر ایکن بو حقده، «رژیم آلاو بیلن اویناشمسلیگی کیرهک. حربيلریمیزنینگ خوفسیزلیگی اوچون کیرهکلی همه چاره- تدبیرنی کورهمیز» دیگن افادهلرگه اورین بیردی. چاووش اوغلی، مذکور هجومدن کیین روسیهلیک رسميلر بیلن کیرهکلی اوچرهشوولرنینگ دوام ایتگنلیگینی هم اوز سوزیگه علاوه ایتدی.
صباح روزنامهسی: آدی یامانده قدیمي تاریخگه ایگه قازیلمهلر تاپیلدی.
تورکيه نینگ آدی یامان ولایتی نینگ توت تومنیده، قدیمي تاریخگه ایگه قازیلمهلر تاپیلدی. تومن اهالیسی تاغلیک حدودده سَیر چاغیده تاپیب آلگن تاشلر حقیده تومن اولوسوال لیگی گه خبر بیرر ایکن اولوسوال یونوس قیزیل گونش، 100 میلیون ییللیک ایکنلیگی تخمین قیلینگن اوشبو قازیلمه نمونهلرینی، تیکشیریلیشی مقصدیده استانبولدهگی تخنیکي بیلیم یورتی گه یوبارگنلیگینی معلوم قیلدی.
وطن روزنامهسی: چیت ایلّیک سرمایه گذارلرنینگ تورکيهگه بولگن قیزیقیشی آرتماقده. تورکيهگه توغریدن-توغری کیریتیلگن سرمایه گذارلیکلر اوتگن ییل نینگ جون آییدن باشلب بو ییل نینگ جون آییگچه 6.3 فایز آرتگن حالده، قریب 12.4 میلیارد دالرگه چیقدی. بو ییل نینگ جنوری آییدن جون آییگچه تورکيهگه کیلگن چیت ایلّیک سرمایه گذارلیکلریده قطر و انگلستان بیرینچی قطارده اورین آلدی.
خبر تورک روزنامهسی: تورکيه نینگ کیمه سکتوری اوزاق شرققه قره ب یول آلدی.
جاری ییل نینگ جنوری آییدن جولای آییگچه بولگن دور مابینیده تورکيه نینگ کیمه ترماغی اوزاق شرققه قریب 580 میلیون دالرلیک سرمایه یولگه قویر ایکن بو آرقهلی نامی تیلگه آلینگن منطقهده ریکارد اورنهتدی. ییل نینگ 7 آییده هانگ کانگ گه 35.5 میلیون، سنگاپورگه 30 میلیون و جاپان گه 14 میلیون دالرللیک سرمایه یولگه قوییلدی.
ستار روزنامهسی: اوزیر بیلن تانیر کپری آرالیده.
تورکيه نینگ مشهور اورمه چالغولر اوستالریدن بیری دینچیر اوزیر و پیانوچی رویا تانیر، ایتاليانینگ سیاحلر تامانیدن اینگ کوپ تنلنگن حدودی کپری آرالیده بو ییل ییگیرمهنچیسی اویوشتیریلهدیگن خلقارا «کپری» موسیقی فستیوالیده بو آقشام کنسرت بیرهدی. دینچیر اوزیر بیلن رویا تانیر 24-اگست کونی هم اسپانیانینگ ماریللا شهریده، «ساناری» نامیدهگی موسیقی فستیوالیده صحنهگه چیقهدیلر.