تورکیه مطبوعاتیدن خلاصه لر 08.08.2019

حریت روزنامه سی, تورکیه جمهوریتی جمهوررئیسی رجب طیب اردوغان نینگ سوریه چیگره سیده تینچلیک دهلیزی نینگ قوریلیشی بیلن علاقه لی تورکیه بیلن امریکا قوشمه ایالتلری نینگ اوز ارا کیلیشیب آلگن لیگی نی بیلدیرگن لیگی نی معلوم قیلدی. 

خبرده, اردوغان نینگ اوشبو مطلب نی رسمی بیر سفر بیلن انقره گه تشریف بویورگن اوکراین جمهوررئیسی ولادیمیر زلنسکی بیلن ترتیب له گن اورتاق مطبوعاتی کنفرانسی جریانیده بیلدیرگن لیگی ایسله تیلماقده. 

روزنامه, اردوغان نینگ اوشبو خصوصده, "عملیات مرکزی نینگ قوریلیشی گه قرار قیلیندی.  اوشبو مرکز نینگ قوریلیشی بیلن پروسه باشله گن بوله دی" دییه قید ایتگن لیگی نی یازماقده. 

ستار روزنامه سی, سوریه نینگ شمالیده امنیت منطقه نینگ قوریلیشی بیلن علاقه لی تورکیه جمهوریتی ملی مدافعه وزیرلیگیده تورک و امریکالیک حربی مسئول لر اورته سیده 5-7- آگست کون لریده بولیب اوتگن مذاکره لرنینگ تکمیل بولگن لیگی نی بیلدیرماقده. 

خبرده, تورکیه جمهوریتی ملی مدافعه وزیرلیگی نینگ توناوکون بیرگن بیاناتیده, "اوشبو امنیت منطقه نینگ امریکا قوشمه ایالتلری بیلن همکارلیکده قوریلیشی اوچون تورکیه ده مشترک عملیات مرکزی نینگ قوریلیشی گه قرار قیلیندی" دییه قید ایتیلگن لیگی ایسله تیلماقده. 

ینی شفق روزنامه سی, تورکیه نینگ, آقدینگیز ده ایگه بولگن رخصت بیریلگن ساحه لرده و شمالی قبرس تورک جمهوریتی نینگ تورکیه گه رخصت بیرگن جای لرده برمه کارلیک فعالیت لری نی دوام ایتتیریاتگن لیگی نی یازماقده. 

خبرده, اوشبو دایره ده برمه کارلیک فعالیت لری نی دوام ایتتیریاتگن فاتح کیمه سی آرتیدن ایندی یاووز کیمه سی نینگ هم ایریم حفریات فعالیت لری نی باشله گن لیگی بیلدیریلماقده. 

صباح روزنامه سی, تورکیه جمهوریتی ماشین صادراتچی لری بیرلیگی نینگ باشلیغی قوتلی قاره ولی اوغلی نینگ, تورکیه نینگ ماشین صادراتی میزانی نینگ 7 آیده 10,3 میلیارد دالردن هم آشگن لیگی نی معلوم قیلماقده. 

خبرده, قاره ولی اوغلی نینگ اوشبو سکتور نینگ اینگ کوپ امریکا قوشمه ایالتلری, فرانسه, اسپانیا و روسیه گه صادرات قیلیاتگن لیگی نی معلوم قیلگن لیگی بیلدیریلماقده. 

وطن روزنامه سی, تورکیه نینگ انتالیا ولایتیده کارائین مغاره سیده قیلینگن حفریاتگن نتیجه سیده سونگگی ایککی کونده 2 اوچی اوتکیر, 350 مینگ ییللیک بیر اوتمیش گه ایگه بالته تاپیلگن لیگی نی بیلدیرماقده.

خبرده, 2007 – ییلده هم خوددی شوو ییر نینگ اوزیدن 400 مینگ ییللیک بالته نینگ تاپیلگن لیگی ایسله تیلماقده.