تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: «ترور تشکیلاتی پی کاکاده قورقوو و اوهمه» سرلوحه‌سی بیلن بیرگن خبرگه کوره، تورکيه قوراللی کوچلری تامانیدن آلیب باریله‌یاتگن «پنجه-1» و «پنجه-2» حربي عملیاتلری نتیجه‌سیده پی کاکا و کاجی کا ترور تشکیلاتلری قورقوو و اوهمه‌ده ایکنلیگی معلوم بولدی.
یینی شفق روزنامه سی: «قباله باشقه‌رمسی 5 دولتده نماینده لیک آچماقده» سرلوحه‌سی بیلن بیرگن خبرگه کوره، تورکيه قباله باشقه‌رمسی مدیری مِحمد ذکی آتلي 5 ته دولتده قباله باشقه‌رمسی نینگ نماینده لیگی آچیلیشینی معلوم قیلدی.
«فرا‌نسه، بلجم و عرب دولتلریده ونماینده لیک آچه‌میز. قالگن دولتلرگه دایر فعالیتلر هم دوام ایتماقده. بوندن بویان اوی ساتیب آلماقچی بولگن خارجلیکلر نینگ تورکيه‌گه کیلیشیگه حاجت یوق. اوزی یشه یاتگن دولتدن توریب، تورکيه‌دن اوی ساتیب آلیشی ممکن»، دیدی.
صباح روزنامه سی: «استانبول-ایزمیر قتناو یولی 2 کوندن کیین آچیله‌دی» سرلوحه‌سی بیلن بیرگن خبرگه کوره، استانبول بیلن ایزمیر اورته‌سیده‌گی 8 یریم ساعتلیک مصافه‌نی 3 یریم ساعتگه قیسقه‌رتیره‌دیگن استانبول-ایزمیر قتناو یولی نینگ 192 کم لیک قِسمی تورکيه جمهور باشلیغی رجب طیب ایردوغه‌ن تامانیدن 4 اگوست کونی آچیله‌دی و خدمت بیریب باشله‌یدی.
وطن روزنامه سی: «تورک رستورانتی ایگه‌سی مشتريسی نینگ حیاتینی قورتریب آلدی» سرلوحه‌سی بیلن بیرگن خبرگه کوره، لندنده فعالیت کورسه‌تگن تورک رستورانتی ایگه‌سی جَم جان پولات بیر مشتريسی نینگ تاماغیگه تیقیلیب قالگن طعام بوله‌گینی بیر حمله‌ده چیقریشگه موفق بولیب، اونینگ حیاتینی قوتقریلب آلدی. تورک رستورانتی ایگه‌سی جم جان پولات بو یخشیلیگی بیلن انگلیس مطبوعاتیده‌گی خبرلرده ا‌ورین آلدی.
حریت روزنامه سی: «آخرگی 3 ییلده کیلگن سیاحلر سانی 85 فایز آشدی» سرلوحه‌سی بیلن بیرگن خبرگه کوره، کپه‌دوکيا‌گه سیاحت قیلگن توریستلر سانی جاري ییل نینگ دستلبکی 6 آییده سونگی 3 ییلگه نسبتاً 85 فایز آشیب، 1 میلیون 250 مینگگه ییتدی. توریستیک کپه‌دوکيا شهریگه اساسن آسیا دولتلریدن کیلگن سیاحلر کوپچیلیکنی تشکیل قیله‌دی. ییل آخریگچه شهرگه کیلگن سیاحلر سانی 3 میلیونگه ییتیشی کوتیلماقده
