تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
یېنی شفق روزنامه سی: تورکيه: خوفسیز حدودنی بیر اوزیمیز قوره میز.
تورکيه ملي مدافعه وزیری خلوصی آقر امریکا قوشمه ایالتلری مدافعه وزیری مارک اسپر بیلن تیلفون آرقه‌لی ملاقا‌ت قیلدی. مدافعه وزیرلیگی تامانیدن موضوع حقیده بیریلگن بیاناتده، «خلوصی آقر اوچره‌شووده تورکيه نینگ امریکا قوشمه ایالتلریدن نیمه‌لر کوتگنلیگینی و پی کاکا/ وای پی جی ترور تشکیلاتیگه یاردم بیریشدن بوتونله‌ی قول تار‌تیشینی طلب قیلدی» دیگن افاده‌لرگه ا‌ورین بیریلدی. بیاناتگه کوره ایکّله وزیرنینگ اوچره‌شوویده امریکا قوشمه ایالتلری بیلن کیلیشمه گودیک بولسه اونده تورکيه نینگ سوريه چیگره‌سیده‌گی «خوفسیز حدود»نی بیر تامانلی تشکیل ایتیشی ممکنلیگی هم ییتکزیلگن.
ستار روزنامه سی: س-400 لر آلدیگه «حصار» لر آلیب کیلینماقچی.
مدافعه ترماغیده تشقریگه بولگن قره‌ملیلیکنی نهائی قیلیش عرفه‌سیده تورگن و محلي محصولات بوییچه 70 فایزلیک اوسیشنی قولگه کیریتگن تورکيه، محلي و ملي هوا مدافعه تیزیملری اوستیدن آلیب باریلگن فعالیتلرینی تیزلشتیردی. بونگه کوره روسیه‌دن آلینگن س-400 راکت تیزیملری نینگ اورنه‌تیش جریانی دوام ایتر ایکن، تورکيه نینگ ملي هوا مدافعه پروژه‌لری دوام ایتر ایکن محلي امکانلر بیلن ایشلب چیقریلگن «حصار» هوا مدافعه پروژه‌سی، اوچ باشقه تیزیم آرقه‌لی کیریتیله‌دی. ای راکت تیزیمی 2021 – ییلی اورته حصار – او 2022 یوکسک حصار یو راکت تیزیمی 2025 ییلگه عملگه آشه دی.
خبر تورک روزنامه سی: تورکيه، دنیا نینگ اینگ ییریک طبيعي گازنی سه‌قلش مرکز‌ینی قوریش نیتیده.
انرژی و طبيعي منبعلر وزیری فاتح دونمیز تورکيه نینگ آقسرای ولایتیده‌گی توز کولی طبيعي گازنی سه‌قلش و اونی کینگه‌یتیریش پروژه‌سی آرقه‌لی موجود 1.2 میلیارد کوب مترلیک میداننی 5.4 کوب مترلیک میدانگه ایلنتیرماقچی ایکنلیکلرینی قید ایتدی. آقسرایگه توز کولی طبيعي گازنی سه‌قلش و اونی کینگه‌یتیریش پروژه‌سی نینگ بنیادینی قوییش مراسمی اوچون کیلگنلیکلرینی ایسله‌تیب اوتگن دونمیز، «توز قتلمیده بو کینگلیکده طبيعي گازنی سه‌قلش ساحه سی دنیا نینگ باشقه هیچ قَیسی نقطه‌سیده یوقدیر» دیدی.
صباح روزنامه سی: قاره انجیر بوییچه صادرات قیلیش ایشلری باشله‌دی.
تورکيه نینگ اژه دینگیزی حدودی نینگ مهم زراعت محصولاتلریدن و انگلستان قیراللیک عایله‌سی نینگ دسترخوانیدن هم هیچ قچان کم بولمه‌گن قاره انجیر بوییچه صادرات قیلیش ایشلری باشله‌دی. تورکيه قاره انجیرنی انگلستان، فرانسه، جرمني، هالند، روسیه، دوبی و هانکانگ گه صادر قیلماقده. قاره انجیر قان نینگ ایوشینی نارمه‌للشتیریب، یوره‌ک کسل لیگی خوفینی کمه‌یتیره‌دی. تیریده‌گی یره‌لر نینگ تیز توزه‌لیشینی تأمینلب، قانسیزلیک نینگ آلدینی آله‌دی. انرژی منبعه‌سی حسابلنگن قاره انجیر استمه، یوتل و شماللش کسللیکلریگه شفا بولیب کیلماقده. ایچ قاتیشلرنی یینگیللشتیریش بیلن بیرگه، قانده کولستور مقدارینی موازنتلشده یاردم بیره‌دی.
وطن روزنامه سی: انتا‌ليا‌گه کیلگن سیاحلر کیچه اوزینی دینگیز قیرغاقلری و سوو پارکلریگه تشله‌دی.
تورکيه نینگ انتا‌ليا ولایتیده توناون هوا حرارتی 30، دینگیز سووی ایسّیقلیگی ایسه 29 درجه‌نی کورسه‌تر ایکن نسبي نملیک نینگ ایسه 71 فایز ایکنلیگی انیقلندی. سلقینلشنی خواهله‌گن سیاحلر نینگ کوپچیلیگی قونیه آلتی و لارا قیرغاقلری تامان چاپدی. مشهور سوو پارکلریدن بیری بولگن Aqualand نی تنله‌گن سیاحلر ایسه ایرته‌لبدن حوضلرنی تولدیردی. کیچیک سیاحلر باله‌لرگه اجره‌تیلگن مخصوص حوضلرده سلقینلر ایکن، کتّه یاشده‌گی سیاحلر بلند تیپه‌لیکلرده هیجانگه توله وقت اوتکزدی.
