تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/05c1/58c0/233a/59d484f486e1c.jpg?time=1718890480)
تورکیه نینگ مطبوعات خلاصه لری
یېنی شفق روزنامه سی: «روسیه: س-400 قِسملری نینگ بیرینچی باسقیچی بو هفته یکونلنهدی» سرلوحهسی بیلن بیرگن خبرگه کوره، روسیه فدرال حربي تخنیکي همکارلیک خدمتی رهبری دمیتري شوگهیف تورکيهگه س-400 مجموعهلری نینگ بیرینچی باسقیچی بو هفته یکونلنیشینی معلوم قیلدی.
ستار روزنامه سی: «زیلینسکيدن تورک ساختمان شرکتلریگه مقتاو» سرلوحهسی بیلن بیرگن خبرده یازیلیشیچه، اوکراین دولت باشلیغی ولادیمیر زیلینسکي تورک ساختمانی شرکتلری حقیده ایجابي فکر بیلدیردی. مملکتده یول قوریلیش معمالریگه توختهلگن زیلینسکي: «صفتلی شرکتلر بیلن همکارلیک قیلیشینگیز ممکن. مثال اوچون تورک شرکتلری بیلن ایشلنگ. یول قوریش پروژه لرینی تورکلرگه تاپشیرینگ»،دیدی. کتّه یوللرنی قَیته قوریشگه بویروق بیرگن زیلینسکي: «مرحمت قیلیب، بو یولنی قندهی قوریشیمیزنی ایتینگ. بهانه اویلب تاپمنگ! تورک شرکتلری بیلن ایش قیلینگ!»،-دیدی.
حریت روزنامه سی: «تورک مدافعه شرکتلری دنیا رویخطیده» سرلوحهسی بیلن بیرگن خبرده یازیلیشیچه، تورک شرکتلری دنیا نینگ اینگ ایلغار مدافعه صنایع رویخطی صفتیده قبول قیلینگن "Defense News Top 100" دهگی اورنینی مستحکملهدی.
اسیلسان 52-، STM 85-، راکیتسان 89-اورینگه کوتریلدی. توساش شرکتی ایسه 69-اوریندن جای آلدی.
صباح روزنامه سی: «تورکيهده 6 آیده 6000دن آرتیق خارجي شرکت توزیلدی» سرلوحهسی بیلن بیرگن خبرگه کوره، تورکيهده جاري ییل نینگ دستلبکی یرمیده تشکیل قیلینگن خارجی سرمایهلی شرکتلر سانی اوتگن ییل نینگ عینِ دوریگه نسبتاً 6.86 فایز آشیب، 6179 گه ییتدی. خارجی سرمایهلی سهامی شرکتلرنینگ کتّه قِسمی اساسن استانبولده تشکیل ایتیلدی. بولر آرهسیده ایران شرکتلری ییتکچیلیک قیلماقده. استانبولده 33 ته ایران سرمایهلیک شرکت توزیلدی.
وطن روزنامه سی: گمرک ایشیکلریده " آلدیندن واسطه بیان قیلیش" بیلن تیزده اوتیش لر باشلندی.
چیت ایلدن تورکیه گه کیله یاتگن و انترنیت آرقه لی "آلدیندن واسطه بیان قیلیش" آرقه لی واسطه لرینی یولگه چیقمه ی توریب ثبت قیلگنلر گمرکلرده ایشلرینی تیزراق حل قیلیب قطار نوبتلرده تورمه ی حدود چیگره سینی اوته دیلر.