تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1718903736)
تورکیه نینگ مطبوعات خلاصه لری
وطن روزنامهسی: پایتخت انقرهده امریکا قوشمه ایالتلری هیئتی بیلن اوچرهشوو بولیب اوتدی.
امریکا قوشمه ایالتلری نینگ سوريه خاص نماینده سی جمیز جفری ییتکچیلیگیدهگی هیئت تشقی ایشلر وزیری اورینباسری سیدات اونال ییتکچیلیگیدهگی گروه بیلن اوچرهشوو اوتکزدی. تشقی ایشلر وزیرلیگی تامانیدن موضوع حقیده بیریلگن بیاناتگه کوره مذکور اوچرهشووده سیاسي جریان، ادلیبدهگی خوفسیز حدود و ینگی اساسی قانون توزیش کمیتهسی نینگ وظیفهلری قولگه آلینگن.
صباح روزنامهسی: مولود چاووش اوغلی ف-35 و س-400 لر حقیده بیانات بیردی.
تشقی ایشلر وزیری مولود چاووش اوغلی س-400 راکت تیزیملری باعث امریکا قوشمه ایالتلری تامانیدن یراتیلگن ناتوغری ف-35 حقیدهگی بیاناتلری آرتیدن تورکيه نینگ قندهی یول توتیشی حقیده معلومات بیردی. تشقی ایشلر وزیری بو حقده س-400 لر اوچون تورلی یوللر قیدیریلگنلینی، نتیجهده روسيه بیلن کیلیشیب آلینگنلیگینی ایسلهتیب اوتگن حالده، «تورکيه اوزی ایشلب چیقرگونیگه قدَر احتیاجلرینی باشقه یوللردن تامین ایتیشنی دوام ایتتیرهدی. بو مملکت نینگ اینگ طبيعي حققیدیر» دیگن افادهلرگه اورین بیردی.
یینی شفق روزنامهسی: س-400 لرنی بیرگهلیکده ایشلب چیقریش مسألهسی اوستیدن آلیب باریلگن اوچرهشوولر دوام ایتماقده.
روسيه نینگ «راستیه» ملي مدافعه صنایع شرکتی رئیسی سیرگیی چیمیزاوف، س-400 راکت تیزیملری نینگ معلوم بولهکچهلرینی جوازلنگن محصولات صفتیده تورکيهده ایشلب چیقریلیشی اوستیدن آلیب باریلگن اوچرهشوولرنینگ دوام ایتگنلیگینی قید ایتدی. «رقیبلریمیزنینگ مناسبتیمیزگه بولگن ارهلشوو تشبثلرینی موفقیتلی روشده آرتده قالدیرماقدهمیز» دیگن چیمیزاوف، «تورکيه بیلن هواچیلیک، تیک اوچر ایشلب چیقریش و انرژی ترماقلریده همکارلیگیمیزنی آرتتیریشگه تیارمیز» دیگن افادهلرگه اورین بیردی.
ستار روزنامهسی: اروپا اتفاقی تورکيه مسألهسیده آگاهلنتیریلدی.
تورکيه نینگ دوستی، سابق سویدن باش وزیری کارل بیلد نینگ «فینانسیال تایمز» روزنامهسیده چاپ ایتیلگن مقالهسیده اروپا بیرلیگی تورکيه مسألهسیده آگاهلنتیریلدی. بیلد اوز مقالهسیده اروپا بیرلیگی نینگ تورکيه بیلن بولگن مناسبتینی بوزیش هم داخل بیر نیچه مسألهده جدّي خطاگه یول قویگنلیگینی ایسلهتیب اوتگن حالده، اتفاق نینگ یقینده یکّهلنیب قالیشی ممکنلیگینی قید ایتدی. بیلد، اروپا نینگ اوزینی قَیته تیکلشی کیرهکلیگینی هم ایسلهتیب اوتر ایکن عینِ وقتده، «مهاجرلر مسألهسیده تورکيه بیلن بولگن مناسبت قرهمه-قرشی یونهلیشگه چیقیب کیتدی. اروپا بیرلیگی، ییریک کوچلر کورهشگن ینگی دورده جدّي اکتور بولیشگه مجبور. عکس حالده یا یکّهلنیب قالهدی، یاکه ینه-ده یامان ایشلر بولهدی» دیدی.
حریت روزنامهسی: تورکيه نینگ الطرابلس دهگی ایلچیخانهسینی، کوچیریش ادعالری نینگ یالغان ایکنلیگینی معلوم قیلدی. ایلچیلیک تامانیدن فیسبوک آرقهلی بیریلگن یازمه روشدهگی بیاناتیگه کوره، اجتماعي ترماقدهگی بعضی عرب تیلیدهگی پُستلرده، ایلچیخانه بناسی نینگ کوچیریلیشی حقیده یالغان و مقصدلی خبرلر نینگ اورین آلگنلیگیگه اورین بیریلدی. ایلچیخانه نینگ الطرابلس دهگی فعالیتلری نینگ دوام ایتهیاتگنلیگی تأکیدلنگن بیاناتده، ایلچیلیک نینگ لیبیا خلقی بیلن بیردملیک ایچیده ایکنلیگی هم بیلدیریلدی.