تورکیه مطبوعاتیدن خلاصه لر 27.04.1398

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, عراق نینگ اربیل شهریده بیر تورک دیپلماتی نینگ شهید ایتیلیشی بیلن علاقه لی بیرگن بیاناتیده, "اوشبو هجوم نینگ فاعل لری نینگ تیزده تاپیلیشی اوچون عراق رهبریتی و محللی رهبریت بیلن همکارلیکده سعی و حرکت لری میز نی دوام ایتتیرماقده میز" دییه قید ایتگن لیگی نی معلوم قیلماقده. 

ستار روزنامه سی, عراق نینگ تورکیه بیلن ایران چیگره سیده 29 ییلدن بیری 800 قشلاق نی اشغال قیلیب کیلگن ترور تشکیلاتی پی کا کا نینگ, تورکیه جمهوریتی قوراللی کوچ لری نینگ عملیاتی دن انچه قورقیب یولی نی یوقاتیب قالگن لیگی نی بیلدیرماقده. 

خبرده, تورکیه قوراللی کوچ لری نینگ تورکیه ملی استخبارت اداره سی بیلن بیرگه عراق نینگ ایچیده اوشبو ترور تشکیلاتی گه قرشی آلیب باریاتگن عملیات لری نتیجه سیده خوددی شوو ترور تشکیلاتی نینگ انچه ضعیفلب قالگن لیگی معلوم قیلینماقده. 

صباح روزنامه سی, تورکیه نینگ روسیه دن اس 400 هوایی مدافعه سیستمی آله باشله گن لیگی نینگ امریکا قوشمه ایالتلریده کینگ عکس ایتگن لیگی نی یازماقده. 

خبرده, امریکا قوشمه ایالتلریده تورکیه نینگ واشنگتن رهبریتی نینگ باسیم لری گه قره مسدن روسیه دن اس 400 هوایی مدافعه سیستمی آلگن لیگی نینگ بیلدیریلیاتگن لیگی ایسله تیلماقده. 

حریت روزنامه سی, تورکیه نینگ شرقی آقدینگیزده گی برمه کارلیک فعالیت لری سببلی تحریم لر نی مطرح قیلگن اوروپا بیرلیگی گه قتتیق عکس العمل کورستگن لیگی نی بیلدیرماقده. 

خبرده, تورکیه نینگ, فاتح, یاووز و بارباروس آرتیدن ایندی اوروچ رئیس کیمه سی نی هم برمه کارلیک اوچون منطقه گه یوبارگن لیگی یازیلماقده. 

وطن روزنامه سی, تورک هوا یوللری طیاره لری نینگ اندونزیا نینگ اینگ مشهور توریستیک ارالی دن عبارت بالی گه هم اوچیش لری نینگ باشله گن لیگی نی یازماقده. 

خبرده, ایندی اوشبو توریستیک مرکز گه هفته ده 7 مراتبه پرواز بوله دیگن لیگی ایسله تیلماقده.