تورکیه مطبوعاتیدن خلاصه لر 26.04.1398

حریت روزنامه سی, تورکیه جمهوریتی انرژی و طبیعی منبع لر وزیری فاتح ییلماز نینگ تویتر آرقه لی بیرگن بیاناتیده, تورکیه نینگ اوروچ رئیس کیمه سی نینگ هم آقدینگیز ده برمه کارلیک فعالیت لری گه باشلیدیگن لیگی نی بیلدیرگن لیگی نی معلوم قیلماقده. 

ستار روزنامه سی, اسپانیا تشقی ایش لر وزیری جوزیپ بوریل نینگ, اوروپا بیرلیگی دن تورکیه نینگ شرقی آقدینگیز ده گی برمه کارلیک فعالیت لری حقیده تصمیم آلمسدن آلدین انقره بیلن دیپلماتیک مذاکره آلیب باریشی نی طلب قیلگن لیگی نی بیلدیرماقده. 

خبرده, بوریل نینگ, "تحریم لرنی تطبیق قیلمسدن آلدین یخشی اویلش کیره ک.  تحریم لر تطبیق قیلینیشی آرتیدن اوز تاثیری نی قولدن بیریب قویه دی. اوشبو خصوصده قیته باشدن مذاکره قیلینیشی و بحران لرنینگ آلدی نینگ آلینیشی کیره ک" دییه قید ایتگن لیگی ایسله تیلماقده. 

خبرتورک روزنامه سی, اوتگن ییل نینگ خوددی شوو دوری بیلن سالشتیریلگنده جاری ییل نینگ ایلک 5 آییده تورکیه نینگ استانبول شهری گه کیلگن چیت ایللیک توریست لر سانی نینگ 11 فایز مقیاسیده آرترایکن, شونده ی قیلیب 5 میلیون 416 مینگ کیشی گه کوتریلیب کیتگن لیگی نی معلوم قیلماقده. 

وطن روزنامه سی, اوروپا احصائیه دفتری تامانیدن بیریلگن معلومات گه کوره, تورکیه نینگ جاری ییل نینگ می آییده اوروپا بیرلیگی گه 6 میلیارد 873,8 میلیون یورولیک صادرات قیلگن لیگی نی یازماقده. 

خبرده, تورکیه نینگ اوروپا بیرلیگی دن 6 میلیارد 309,3 میلیون یورولیک واردات قیلگن لیگی بیلدیریلماقده. 

ینی شفق روزنامه سی, هالند تورک سرمایه دار لری اویوشمه سی تامانیدن تشکیل ایتیلگن, هالند- تورکیه تجارت همکارلیگی مرکزی نینگ تورکیه ده سرمایه گذارلیک اوچون سعی وحرکت قیلیاتگن لیگی نی معلوم قیلماقده. 

خبرده, تقریباً بیر تریلیون 256 میلیارد یورودن عبارت بوله دیگن اوشبو سرمایه گذارلیک لرنینگ عموماً ساغلیق, زراعت, چاروادارلیک, کیمیا, انرژی, هواچیلیک و کیمه چیلیک کبی ساحه لر ده قیلینه دیگن لیگی ایسله تیلماقده.