تورکیه مطبوعاتیدن خلاصه لر 19.04.1398

حریت روزنامه سی, تورکیه جمهوریتی جمهوررئیسی رجب طیب اردوغان نینگ  بوسنیا- هرزگوینا گه تشریفی چاغیده بیرگن بیانات لریده, "اوروپا بیرلیگی, آزگینه مهاجر نی قبول قیلمس ایکن, تورکیه ایسه 4 میلیون دن آرتیق مهاجر نی اوز بغری گه باسگن وضعیتده" دییه قید ایتگن لیگی نی ایسلتماقده. 

خبرده, اوروپا قطعه سی نینگ امنیتی گه جوده هم کتته حصه قوشگن لیک لری نی بیلدیرگن اردوغان نینگ, اوز سوز لری نی, "بیراق اوشبو پروسه ده اوروپالیک دوست لری میز کوتیلگن همکارلیک نی بیز بیلن قیلمه دی.  سوریه لیک مهاجر لر اوچون بیریلگن وعده لر بجا کیتیریلمه دی" شکلیده دوام ایتتیرگن لیگی معلوم قیلینماقده. 

صباح روزنامه سی, اوروپا بیلن آسیا اورته سیده قیته قوریلیشی اوچون سعی و حرکت لرنینگ دوام ایتیاتگن مدرن ایپک یولی نینگ اینگ مهم نقطه سیده جایلشگن تورکیه نینگ, چین دن انگلستان گه باره دیگن تیمیر یولی پروژه سی دایره سیده, 21 لوژستیک مرکز قوره دیگن لیگی نی یازماقده. 

خبرده, 9 مرکز نینگ قوریلگن لیگی معلوم قیلینرایکن, شونده ی قیلیب کونده 2 میلیارد دالرلیک مال انتقالی نینگ عملگه آشیریله دیگن لیگی گه دقت قره تیلماقده.   

وطن روزنامه سی, اون بیرینچی رواجله نیش پلانی دایره سیده, تورکیه ده کوچلی بیر مالی ساختار گه ایگه بولیش اوچون ایریم اوزگریش لرنینگ بحث موضوعی بوله دیگن لیگی نی بیلدیرماقده. 

خبرده, دیجیتال مرکز بانکی پولی نینگ تطبیق قیلینه دیگن لیگی ایسله تیلماقده. 

ستار روزنامه سی, تورک عالمی داکتر سعدی وورال نینگ انسان لرنینگ یوزینی تَنیش سیستمی دن, آرژانتین ده اوتگن ییلده بولیب اوتگن جی 20 رهبر لر ییغیلیشی جریانیده بیرینچی مرته دولت رهبرلری نینگ اوز لری گه اوخشش کیشی لرنینگ موجود ایکن لیگی یاکه ایمس لیگی نینگ انیقله نیشی اوچون استفاده قیلینگن لیگی نی معلوم قیلماقده. 

خبرده, عینی دمده اوشبو سیستم دن بیرلشگن ملت لر تشکیلاتی نینگ چیگره لرنی کنترول قیلیش بوییچه فعالیت لریده هم استفاده قیلینگن لیگی گه دقت قره تیلماقده. 

ینی شفق روزنامه سی, تورکیه نینگ استانبول شهری نینگ, "بیرینچی خلق ارا صنعت مدنیت لری آیدین لیگی" اسمی گه ایگه بیر فستیوال گه میزبان لیک قیلیاتگن لیگی نی معلوم قیلماقده. 

خبرده, اوشبو فستیوال گه 25 فرقلی اولکه دن 250 صنعتچی نینگ اشتراک قیلیاتگن لیگی گه دقت قره تیلماقده. 

عینی دمده خبرده, خوددی شوو فستیوال گه اشتراک قیلیاتگن صنعتچی لرنینگ کوپچیلیگی نینگ اورته شرق اولکه لریدن کیلیاتگن لیگی بیلدیریلماقده. 

روزنامه, اوشبو فستیوال دن قول گه کیریتیله دیگن عایدات نینگ سوریه لیک مهاجر لر گه تخصیص ایتیله دیگن لیگی نی یازماقده.