تورکیه مطبوعاتیدن خلاصه لر 18.04.1398

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ بوسنیا- هرزگوینا گه جونب کیتمسدن آلدین تورکیه نینگ استانبول شهریده تورکیه نینگ روسیه دن اس 400 هوایی مدافعه سیستمی آلیشی بیلن علاقه لی بیرگن بیاناتیده, "اوشبو سیستم نینگ تورکیه گه یوباریلیشی بوییچه تیارگرلیک لر دوام ایتماقده.  روسیه دن کیتیریله دیگن اس 400 لرنینگ تورکیه ده قییرگه جایلشتیریلیشی کیره ک ایکن لیگی خصوصیده تورکیه جمهوریتی ملی مدافعه وزیرلیگی و قوراللی کوچ لری قوماندان لیگی تامانیدن تصمیم آلینه دی" دییه قید ایتگن لیگی نی بیلدیرماقده. 

صباح روزنامه سی, جمهوررئیس اردوغان نینگ, 15 جولای دموکراسی و ملی بیرلیک کونی دایره سیده جمهوررئیسلیک مطبوعات دفتری تامانیدن آلیب باریله دیگن فعالیت لر ده استفاده قیلینیشی اوچون تیارلنگن 15 جولای آرمی نی, رسمی تویتر حسابی گه جایلشتیرگن لیگی نی یازماقده. 

ستار روزنامه سی, "تورکیه رادیو- تلویزیونی سناریو کون لری" نینگ مستقل داور لری هیئتی ده اورین آلیش اوچون تورکیه نینگ استانبول شهری گه کیلگن اوسکار ساورین لری نی بیره دیگن سینما صنعت لری و بیلیم لری اکادمیسی نینگ باشلیغی جان بیلی نینگ, "تورکیه فلم لری مینگه جوده هم یاقدی. امریکا فلم لری دن جوده فرقلی.  صمیمی, سیس سیز و تویغولی بیر اتموسفیری بار اوشبو فلم لرنینگ" دییه قید ایتگن لیگی نی ایسلتماقده. 

حریت روزنامه سی, تورکیه نینگ آیدین ولایتی نینگ بوزدوغان اولسواللیگیده جایلشگن آراپاپیشتی دره سی گه, کوپلب داخلی و خارجی توریست لرنینگ کیلیاتگن لیگی نی بیلدیرماقده. 

خبرده, اوشبو دره نینگ توریستیک جهت دن دنیا ده سککیزینچی اوریننی ایگلله گن لیگی بیلدیریلماقده. 

روزنامه, 2017 – ییلدن باشلب توریستیک مقصد بیلن فایده له نیله باشلنگن اوشبو دره گه هر کون اورته چه 2 مینگ توریست نینگ کیلیاتگن لیگی نی یازماقده. 

وطن روزنامه سی, تورک هوا یوللری نینگ ینگی آلینگن "ماچکا" اسمی گه ایگه طیاره سی نینگ, بولووچی ترور تشکیلاتی پی کا کا تامانیدن 16 یاشیده شهید ایتیلگن اَره ن بلبل نینگ ایسله نیشی اوچون بیرینچی اوچیشی نی تورکیه نینگ استانبول ولایتی دن ترابزون ولایتی گه عملگه آشیرگن لیگی نی معلوم قیلماقده.