تورکیه مطبوعاتیدن خلاصه لر 17.04.1398

ینی شفق روزنامه سی, تورکیه جمهوریتی ملی استخبارات تشکیلاتی بیلن تورکیه قوراللی کوچ لری نینگ اورتاق عملیاتی نتیجه سیده بولووچی ترور تشکیلاتی پی کا کا/کا جی کا نینگ سوزده اجرائیه کینگشی اعضاسی دیار غریب محمد نینگ یوق قیلینگن لیگی نی بیلدیرماقده. 

خبرده, ترور تشکیلاتی پی کا کا نینگ سوزده مرکزی نینگ موجود بولگن قندیل ده بیرینچی مرته پی کا کا نینگ مهم بیر کیشی سی نینگ یوق قیلینگن لیگی سببلی اوشبو عملیات نینگ دقت گه سزاوار ایکن لیگی ایسله تیلماقده. 

ستار روزنامه سی, تورکیه جمهوریتی ساغلیق نی سقلش وزیری فخرالدین کوجه نینگ, "تورکیه ده ادویه نینگ 48 فایزی نی اوزی میز ایشلب چیقارماقده میز.  52 فایزی نی ایسه چیت ایللردن وارد قیلماقده میز.  کیگوسیده  چیت ایللردن وارد قیلینیاتگن ادویه و طبی تجهیزات نینگ میزانی نی کمیتیریش اوچون قولی میزدن کیله دیگن برچه سعی و حرکت لرنی قیله میز" دییه قید ایتگن لیگی نی یازماقده. 

صباح روزنامه سی, تورکیه جمهوریتی انرژی و طبیعی منبع لر وزیری فاتح دونماز نینگ, اوتگن هفته ده یاووز برمه کارلیک کیمه سی نی تورکیه نینگ گبزه منطقه سیدن جونه تیب یوبارگن لیک لری نی بیلدیررایکن, "انشان الله اوشبو کیمه بیر هفته کیین شمالی قبرس تورک جمهوریتی تامانیدن اجازت بیریلگن منطقه دن عبارت کارپاز ده برمه کارلیک فعالیت لری نی باشله ته دی" دییه قید ایتگن لیگی نی معلوم قیلماقده.

حریت روزنامه سی, دنیا نینگ اینگ مهم هواچیلیک مرکز لریدن بیری نی تشکیل ایتیاتگن استانبول ده گی هوا قونلغه لریدن جاری ییل نینگ ایلک آلتی آییده 337 مینگ 218 کیشی نینگ داخلی و 48 میلیون 763 مینگ 184 نفر نینگ ایسه خارجی پرواز لر اوچون استفاده قیلگن لیگی نی بیلدیرماقده. 

خبرتورک روزنامه سی, تورکیه جمهوریتی ایکینچی لیک و اورمان وزیرلیگی نینگ زراعتی تحقیقات لر عمومی رئیسی اوزکان قایاجان نینگ, تورکیه نینگ دنیا اولکه لری نینگ قوریتیلگن زردالو سی نینگ 63 فایزی نی تامین ایتیب بیریاتگن لیگی نی بیلدیرگن لیگی نی یازماقده. 

خبرده, قایاجان نینگ, "قوریتیلگن زردالو نینگ تولیداتی و صادراتی بوییچه تورکیه دنیا ده اینگ مهم اولکه دن عبارت" دییه قید ایتگن لیگی بیلدیریلماقده.