تورکیه مطبوعاتیدن خلاصه لر 12.04.1398

ستار روزنامه سی, "اردوغان شی جینپینگ بیلن اوچره شدی" عنوانی بیلن بیرگن بیر خبریده, تورکیه جمهوریتی جمهوررئیسی رجب طیب اردوغان نینگ, توناوکون چین خلق جمهوریتی گه تشریف بویورگن لیگی نی بیلدیرماقده. 

خبرده, چین دولت رهبری شی جینپینگ بیلن اوچره مسدن آلدین بیرگن بیاناتلریده جمهوررئیس اردوغان نینگ, "مینگلب ییل لیک مناسبت لر گه ایگه, ایپک یولی آرقه لی بیر بیر لری بیلن ارتباط قوریب کیلگن قدیمی مدنیت لردن عبارت تورکیه بیلن چین اورته سیده گی همکارلیک نینگ آرتیریلیشی اوچون جدی ظرفیت لرنینگ موجود ایکن لیگی گه ایشانماقده من" دییه قید ایتگن لیگی بیلدیریلماقده. 

ینی شفق روزنامه سی, تورکیه جمهوریتی تشقی ایش لر وزیرلیگی نینگ بیرلشگن ملت لر تشکیلاتی گه قتتیق عکس العمل کورستگن لیگی نی معلوم قیلماقده. 

خبرده, تورکیه نینگ, بیرلشگن ملت لر تشکیلاتی نینگ, ترور تشکیلاتی پی کا کا/پی وای دی/وای پی جی تامانیدن باشقریلیاتگن سوزده سوریه دموکراتیک کوچ لری نینگ قوماندانی بولگن بولووچی ترور تشکیلاتی پی کا کا اعضاسی فرهاد عبدی شاهین بیلن اوچره شیب بیر پلان امضاله گن لیگی گه قرشی قتتیق عکس العمل کورستگن لیگی بیلدیریلماقده. 

روزنامه, تورکیه جمهوریتی تشقی ایش لروزیرلیگی نینگ خوددی شوو ینگی لیک نی قتتیق قاره له گن لیگی نی یازماقده. 

صباح روزنامه سی, تورکیه نینگ بیرلشگن ملت لر تشکیلاتی نینگ ژنیو دفتریده گی دایمی ایلچی سی صادق ارسلان نینگ, سوریه نینگ ادلب شهریده گی ترصد نقطه لری گه قره تیلگن هجوم لر بیلن علاقه لی بیرگن بیاناتیده, "تورکیه, اسد رژیمی تامانیدن باشقریلیاتگن منطقه لردن تورکیه نینگ (ادلب ده گی) ترصد نقطه لری نینگ هدف قیلیب آلینیاتگن لیگی گه قرشی جواب قیتره دی" دییه قید ایتگن لیگی بیلدیرماقده.

وطن روزنامه سی, تورکیه جمهوریتی تجارت وزیری رخسار پیکجان نینگ, جاری ییل نینگ ایلک 6 آییده تورکیه نینگ 88,2 میلیارد دالرلیک صادرات قیلگن لیگی نی بیلدیررایکن, "اوشبو رقم تورکیه جمهوریتی نینگ اینگ یوقاری رقمی دن عبارت" دییه قید ایتگن لیگی گه دقت قره تماقده. 

خبرترک روزنامه سی, تورکیه نینگ استانبول شهریده گی تورک و اسلام اثر لری موزیمی نینگ اتنوگرافی بولیمی نینگ قیته قوریش ایش لری نینگ تکمیل بولگن لیگی نی معلوم قیلماقده. 

خبرده, تورکیه جمهوریتی فرهنگ و توریزم وزیری محمد نوری ارسوی نینگ هم اشتراکی بیلن بولیب اوتگن افتتاحیه مراسمیده انگلستان دن قیتریب کیتیریلگن 16 – عصر گه عاید چینی کتیبه لرنینگ هم تَنیشتیریلگن لیگی بیلدیریلماقده.