تورکیه مطبوعاتیدن خلاصه لر 03.04.1398

حریت روزنامه سی, تورکیه جمهوریتی جمهوررئیسی و عدالت و توسعه حزبی نینگ رهبری رجب طیب اردوغان  نینگ, توناوکون استانبول ده اوشبو شهرنینگ شهرداری نینگ سیله نیشی اوچون بولیب اوتگن سیلاو نتیجه لری نینگ خیرلی بولیشی نی آرزو قیلرایکن, رسمی بولمه گن نتیجه لر گه کوره خوددی شوو شهر نینگ شهرداری ایتیب سیلنگن اکرم امام اوغلی گه اوز تبریک لری نی بیلدیرگن لیگی نی معلوم قیلماقده.

خبرده, اردوغان نینگ, " آلدین بولگن لیگی دیک, کیلگوسیده هم دموکراسی, حقوق نینگ برترلیگی, تینچ لیک, برقرارلیک و رفاه دن واز کیچمسدن بیر یقه دن باش چیقاریب 2023- ییلی هدف لری تامان آلغه کیته میز" دییه قید ایتگن لیگی بیلدیریلماقده. 

ینی شفق روزنامه سی, تورکیه جمهوریتی پارلمانی باشلیغی مصطفی شنتوپ نینگ, توناوکون (23 جون) استانبول ده بولیب اوتگن سیلاو لرنینگ دموکراسی تجربه سی و ملی اراده نی ینه بیر بار انعکاس ایتتیرگن لیگی نی معلوم قیلگن لیگی نی یازماقده. 

خبرده, شنتوپ نینگ تویتر آرقه لی بیرگن بیاناتیده, "ملتی میز ترجیحی نی بیلدیردی. خیرلی بولسین. اوشبو دایره ده استانبول شهرداری ایتیب سیلنگن اکرم امام اوغلی گه اوز تبریک لریمنی بیلدیررایکن, استانبول گه یخشی خدمت لر قیلیشی نی آرزو ایتیب قاله من" دییه قید ایتگن لیگی ایسله تیلماقده. 

صباح روزنامه سی, رسمی بولمه گن نتیجه لر گه کوره استانبول شهرداری ایتیب سیلنگن اکرم امام اوغلی نینگ, "سیلاوده استانبوللیک لر مظفر بولدی.  ینگی بیر دور باشله دی. وظیفه م نی هیچ کیمسه نی چیتله مسدن اجرا قیله من" دییه قید ایتگن لیگی نی بیلدیرماقده.

ستار روزنامه سی, مصر ده محکمه ده عالم دن اوتگن اولکه نینگ بیرینچی سیلنگن جمهوررئیسی دن عبارت بولگن محمد مرسی نینگ عایله سی نینگ, همدردلیک لری سببلی تورکیه جمهوریتی جمهوررئیسی رجب طیب اردوغان داخل همه گه منتدارچیلیک بیلدیرگن لیگی نی معلوم قیلماقده. 

خبرده, آته سی اوچون دنیا ده میلیونلب کیشی تامانیدن غیابی جنازه نمازی اوقیلگن لیگی نی بیلدیرگن مرسی نینگ اوغلی عبدالله نینگ, "تاریخده بونده ی بیر نرسه نی کورمه گن ایدیک" دییه قید ایتگن لیگی بیلدیریلماقده. 

روزنامه, عبدالله نینگ, "همه گه و اینیقسه حرمتلی اردوغان, قطر امیری شیخ تمیم بن حمد آل ثانی بیلن آته سی, مالزیا حکومتی و تونس نینگ سابق جمهوررئیسی منصف المرزوقی گه منتدارچیلیک بیلدیره من" دییه قید ایتگن لیگی نی یازماقده. 

وطن روزنامه سی, عراق نینگ شمالیده گی خاکورک منطقه سیده تورکیه تامانیدن اویوشتیریلگن عملیات نتیجه سیده یوق قیلینگن ترورچی لر سانی نینگ 96 نفر گه کوتریلیب کیتگن لیگی نی معلوم قیلماقده. 

خبرده, خاکورک منطقه سیده تلاشی فعالیت لرینی دوام ایتتیریاتگن کوماندو لرنینگ, ترور تشکیلاتی پی کا کا تامانیدن استفاده ایتیلیاتگن 8 اتاقلی بیر مغاره نی انیقله گن لیگی ایسله تیلماقده. 

روزنامه, اوشبو مغاره دن کوپ مقدارده سلاح و مهمات قولگه کیریتیلگن لیگی نی یازماقده.