تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: « ایردوغا‌ن نینگ استانبول نینگ فتحی باره‌سیده‌گی بیاناتی»
دولت باشلیغی رجب طیب ایردوغا‌ن، استانبول نینگ فتحی نینگ 566- ییللیگی مناسبتی بیلن بیر یازمه بیانات ترقه‌تیب تبریک ایتدی.
استانبول نینگ 1453- ییلی فتح بیلن بیر چاغنی یاپیب ینگی بیر چاغنی آچگنینی تأکیدله‌گن ایردوغا‌ن، فتح نینگ سیاسي، اجتماعي و مدني نتیجه‌لری بیلن جهان تاریخی نینگ جریانینی اوزگرتیردی. تاریخ نینگ اینگ محتشم غلبه‌لریدن بیری ایکنینی تأکیدله‌دی. ایردوغا‌ن، فاتح سلطان مِحمد نینگ صبر- طاقتی و عدالتلی اسلوبی بیلن استانبول، فرقلی ایشانچ و مدنیتلر بیرگه‌لیکده یشه گن بیر مرکز حالیگه کیلدی» دیدی.
خبر تورک روزنامه سی: «تورک قوراللی کوچلری (TSK) تروریستلرگه قرشی کینگ کولملی عملیات»
تورک قوراللی کوچلری تامانیدن عراق نینگ شِمالیده‌گی حا‌کورک حدودیده بولووچی ترور تشکیلاتی پی کاکا اعضاسی تروریستلر جایلشگن ساحه‌لرگه قرشی حربي حرکت باشله‌تدی. قوروقلیک کوچلری قوماندانلیگیگه قره‌شلی جیتلرنینگ اوققه توتیشی بیلن باشله‌گن حرکتگه کوماندو کوچلری هم اشتراک ایتدی. « پنجه نامیده‌گی عملیات» حا‌کورک حدودیده ترور تشکیلاتی تامانیدن فایده‌لنگن غار و باش‌پناه‌لر یوق قیلیندی و بوندن اساسي مقصد تروریستلرنی یو قیلیش.
یینی شفق روزنامه سی: « حا‌کورک که بولگن « پنجه» قندیلگچه باریشی ممکن»
تورک قوراللی کوچلری عراق نینگ شِمالیده‌گی حا‌کورک حدودیگه قوروقلیک و هوا عنصرلری بیلن باشله‌تگن عملیات دوام ایتماقده. ترور و خوفسیزلیک متخصصی عبدالله آغر، مخصوص تعلیم آلگن کوماندولر اشتراک ایتگن بو عملیات نینگ اجرا کوچیگه قره‌لگنده « اوزاق مدتلی» بولیشی ممکنلیگینی معلوم قیلدی. آغر، « بو عملیات فقط‌گینه تروریستلرنی یوق قیلیش معناسیگه کیلمه‌یدی. مهم بیر دورده جوده هم اهمیتلی بیر حدودده « ساحه حاکمیتی» تشکیل ایتیش معناسیگه کیله‌دی. پنجه نامیده‌گی حربي حرکت قندیلگچه باریشی ممکن» دیدی.
وطن روزنامه سی: چین تورکيه‌گه سرمایه کیریته‌دی»
تورکيه بیلن چین اورته‌سیده سیاسي علاقه‌لرنینگ رواجلنیشی بیلن، چین تورکيه‌گه سرمایه کیریتیشی هم دوام ایتماقده. انرژی، زیربنا ، بانکدارلیک کبی کوپلب سکتورده تورکيه‌گه سرمایه کیریتیشلرینی اوزلوکسیز دوام ایتتیریب و ینگی سرمایه کیریتیش بیلن علاقه‌لی تدقیقاتلر آلیب بارگن چین، تورکيه‌گه سرمایه کیریتیشگه دوام ایتیش اوچون قرار بیردی. چین تشی ایشلر وزیرلیگیده چین بیلن تورکيه علاقه‌لریدن مسوول باش مدیر اورین‌باسری قیان مینجیا‌ن، بارگن سری ینه کوپ چینلیک شرکت‌لرنینگ، تورکيه‌گه سرمایه کیریتگنینی معلوم قیلدی.
حریت روزنامه سی: « تورکيه‌ده‌گی اینگ ییریک 500 صنایع کمپنیسی انیقلندی»
استانبول صنایع اتاقی(İSO)، تورکيه نینگ 500 ییریک کمپنیسینی تدقیق قیلیب» 2018 نتیجه‌لرینی اعلان قیلدی. بونگه کوره، تورکيه نفت رفینیرلری توپرا‌ش، ایشلب چیقریشدن و ساتیشلریگچه 79 میلیارد لیره بیلن تورکيه نینگ اینگ کتّه صنایع تشکیلاتی ایکنلیگی معلوم بولدی . اوتوموتیف ایشلب چیقرووچی فورد، 31 میلیارد لیره بیلن ایکّینچی، تویوتا ایسه 23،6 میلیارد لیره بیلن اوچینچی ا‌وریننی ایگه‌له‌دی.
