تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1719062694)
تورکیه نینگ مطبوعات خلاصه لری
ستار روزنامه سی: «روسیه: تورکيه بیلن S-500 تیزیملرینی مشترک ایشلب چیقرهمیز» سرلوحهسی بیلن بیرگن خبرگه کوره، روسیه مدافعه وزیری سیرگیی شویگو ایلک S-400 راکت تیزیملرینی جون آییده تورکيهگه ییتیب کیلیشینی معلوم قیلدی. کیلگوسیده S-500 راکت تیزیملرینی تورکيه بیلن مشترک ایشلب چیقریشینی معلوم قیلگن سیرگیی شویگو: «بیرگینه S-500 بطاریاسی نینگ اوزی بوتون تورکيه نینگ هوا میدانینی تشقی تهدیدلردن حمایه قیلیشگه ییتهدی»،-دیدی.
وطن روزنامه سی: «تورکيه نینگ دستلبکی محلي سییسمیک تدقیقات کیمهسی» سرلوحهسی بیلن بیرگن خبرده، دینگیزلرده ایکّی و اوچ قیرّهلی چوقور سییسمیک قیدیروو عملگه آشیرهدیگن درجهده مناوره تیزیملریگه ایگه بولگن دستلبکی محلي « MTA Oruç Reis» سییسمیک تدقیقات کیمهسی مرمره دینگیزی تگیده کینگ قمراولی تیکشیروو اوتکزماقده. دنیاده تینگی کم اوچرهیدیگن اوشبو تدقیقات کیمهسی شرقي آق دینگیزیده هایدروکاربون قیدیروو فعالیتلریده تورکيه نینگ ایشینی یینگیللشتیرهدی.
خبر تورک روزنامه سی: «استانبول اقتصاد مرکزی 2022 ییلده آچیلهدی» سرلوحهسی بیلن بیرگن خبرده یازیلیشیچه، جمهور رئیس لیک اقتصاد مرکزی باشلیغی پروفیسور گوکسیل آشان استانبولنی اقتصاد مرکزیگه ایلنتیرماقچی ایکنلیگینی بیلدیریب، «استانبول اقتصاد مرکزینی 2022 ییل نینگ باشلریده تشکیل قیلیشنی ریجهلشتیریهبمیز»، دیدی.
اونینگ تأکیدلشیچه، دنیاده اقتصاد مرکزی بولیشگه لایق بولگن بیر نیچه شهرلردن بیری استانبول بولیب حسابلنهدی.
صباح روزنامهسی: «انتالیاگه می آییده ریکارد درجهده سیاح کیلدی» سرلوحهسی بیلن بیرگن خبرگه کوره، انتالیا حاکمی منیر کرال اوغلی تویتیردهگی صحیفهسیده «2019 ییل 25 می کونی انتالیاگه هوا یولی بیلن 76 مینگ 568 نفر سیاح کیلدی. شو بیلن بیرگه، 25 می کونی انتالیاگه 363 ته اوچاق کیلیب قوندی. بو می آیی نینگ ریکوردی حسابلنهدی» دیب یازدی.
حریت روزنامه سی: تورکیه نی معرفی قیلینیشیده گسترونومی آلدینده توره دی
مدنیت و توریزم وزیری مِحمد نوری ایرسوی، جای ییلدن باشلب تورکیه نی دینگیز قوم و ساحل بیلن بیر قطارده گسترونومیسینی هم تنیته جکلرینی بیلدیردی. بوندن مقصد 2023 – ییلگچه توریزم آرقه لی 70 میلیارد دالر قولگه کیریتیش دیر" دیدی.