تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: «تورکيه جون آییده ینگی اقتصادي پاکتینی اعلان قیلهدی»
خزینه و مالیه وزیری برات آل بیراق جون آییده ایشلب چیقریش و صادرات سکتورینی قوللب-قوّتلهیدیگن ینگی بیر پاکت اعلان قیلیشلرینی معلوم قیلدی. سالیقده بیر اوزگریش نظرده توتگنلرینی معلوم قیلگن آل بیراق، «ایشلب چیقریش حجمینی آرتتیرهدیگن بیر پاکت بولهدی. وارداتنی کمهیتیریب صادراتنی یوکسهلتهمیز»،- دیدی. آل بیراق، انفلاسيون نسبتی
پسهیهدی، فایزلرده بیر نیچه آیده پسهییش بولهدی دیب قید ایتدی.
یینی شفق روزنامه سی: «فاتح نفت قازیب چیقریش کیمهسی قبرس آرالی نینگ غربیده تدقیقاتلرگه باشلهیدی.
فاتح نفت قازیب چیقریش کیمهسی، بربروس خیرالدین پاشا سییسمیک تدقیقات کیمهسی بیلن بیرگه تدقیقاتلرینی یکونلهگن قبرس آرالی نینگ غربیده نفت قازیب چیقریشگه باشلهدی. مسؤللر، فاتح، قبرس نینگ غربیدهگی ینگی نفت قازیب چیقریش نقطهسیدن جوده هم امیدوار. تورکيه نینگ شرقي اورته ییر دینگیزیدهگی دستلبکی انرژی منبعی گه بو ساحهده ایریشیشی کوتیلماقده.
ستار روزنامه سی: « تورکيه، پاکستاندن «سوپر موشک» تعلیم اوچاقی ساتیب آلهدی»
تورکيه و پاکستان اورتهسیدهگی سودا علاقهسی تیزلیک بیلن کوپهیهدی.
تورکيه،30 اتاک هجوم تیک اوچرنی تاپشیرهدیگن پاکستاندن 52 ته « سوپر موشک» تعلیم اوچاغی ساتیب آلیشنی ریجهلهماقده. ایکّی اولکه اورتهسیده مدافعه ساحهسیده مشترک ایشلب چیقریش اوچون همکارلیک هم ریجهلنماقده. تورکيه علیحده پاکستاندهگی تکنالوژي پارکلرینی رواجلنتیریش موضوعسیده هم تخنیکي جهتدن قوللب- قوّتلهیدی.
حریت روزنامه سی: هیجانلی کشفیات کپهدوکیهده تصادفن تاپیلدی»
نوشهر نینگ آجیگول تومنیگه قرهشلی تاتلرنینگ شهرچهسیده بیر ییر آستی شهر تاپیلدی. موزیم مدیرلیگی تامانیدن باشلهتیلهدیگن فعالیتلرنینگ آرتیدن ییر آستی شهر توریزم خدمتیگه آچیلهدی.
وطن روزنامه سی: « بیرهم اوچون 300 مینگ اورین اجرهتیلدی»
تورکيه هوتللر فدراسیونی (TÜROFED) رئیسی عثمان اَییق، 24-جونده باشلهیدیگن رمضان بیرهم تعطیلیده تورکيه بویلب 300 مینگ محلي سیاح هوتللرده دَم آلهدی دیدی. عثمان اییک، هم چیت ایلدن کیلگن اورین اجرهتیشلر همده محلي بازاردهگی بیرهم مناسبتی بیلن اورین اجرهتیشلر طفیلی بوگونلرده هوتللردهگی تولهلیک نسبتی 100 فایزگه کوتریلهدی دیب قید ایتدی.