تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1718767967)
تورکیه نینگ مطبوعات خلاصه لری
ستار روزنامه سی: تشقی ایشلر وزیرلیگی امریکا قوشمه ایالتلری نینگ استانبول سیلاوی بیلن تیگیشلی بیرگن بیاناتیگه جواب بیردی"
تشقی ایشلر وزیرلیگی سوزچیسی حامی آقسوی، امریکا قوشمه ایالتلری تشقی ایشلر وزیرلیگی سوزچیسی مورگان اورتاگوس و امریکا قوشمه ایالتلری کنگره اعضالری استانبولده محلي سیلاولر تکرارلنیشیگه دایر بیرگن بیاناتی بیلن علاقهلی، "عالي سیلاو کینگشی (YSK)، تامانیدن آلینگن بو قرارگه برچه نینگ حرمت قیلیشی کیرهک، اوخشهش اوزگریشلر امریکا قوشمه ایالتلری و باشقه اولکهلرده هم بولگنینی و بولر دموکراسی اساسلری دایرهسیده ییچیلمهگنینی ایسده توتیشلری کیرهک»، دیب تأکیدلهدی.
یینی شفق روزنامه سی: انکه، ملي رادارلری بیلن اژه و آق دینگیزده»
ملي اوچووچیسیز هوا واسطهسی (İHA) انکه، ینگی فایدهلی یوک ملي سینتیتیک آچیقلی رادار (SAR) اوز وظیفهسیگه باشلهدی. SAR راداری و کامره یوکلنگن انکه، دینگیز کوچلری سوو اوستی کشف و کوزهتوو وظیفه سی اوچون ایشلهتیلهدی. رادار اوزاق مصافهدن بولوتلر اوستیدن استخبارات ییغیش قابلیتی گه ایگهدیر. سوو اوستی عنصرلر نینگ تورینی انیقلش و وضعیتینی بیلدیره آلیش قابلیتی گه ایگه.
صباح روزنامه سی: "زیورات صادراتی اپریل آییده 258،9 میلیون دالرنی تشکیل ایتدی"
زیورات صادراتچیلر اویوشمهسی اوتگن آی، 258 میلیون 862 مینگ 728 دالر زیورات محصولاتی صادر قیلدی. زیورات صادراتچیلر اویوشمهسی بیرگن بیاناتگه کوره، 81،1 میلیون دالر مقداریده یقین شرق و آسیا گروهیگه صادرات قیلیندی. اپریل آییده اینگ کوپ صادرات،آسیاگه و یقین شرققه قیلینگن. 60 میلیون دالر شمالي امریکا، 50،3 میلیون دالر اروپا اتفاقی، 32 میلیون دالر ایریم آسیا اولکهلری و 14،4 میلیون دالر بیلن باشقه اروپا اولکهلری تعقیب ایتدی.
خبر تورک روزنامه سی: "Loreena McKennittتورکيهده اوچ کنسرت بیرهدی"
کانادالیک موسیقیچی Loreena McKennitt، مخلصلر بیلن تورکيهده اوچرهشهدی. صنعتکار بیرینچی کنسرتینی 29 جونده ایزمیرده، کیینگی کنسرتینی انقرهده، 1-جولایده ایسه استانبولده بیرهدی.
حریت روزنامه سی: «رزگتلی اوغلی و صوفی اوغلی ایتالياده بیلله شوولرده اورین آلهدی»
ملي موترسایکل چیلردن توپراق رزگتلی اوغلی، جهان سوپربیکه بیلله شوولریده بهاوالدین صوفی اوغلی هم جهان سوپرسپورت 300 بیلله شوویده هفته آخریده ایتالياده کورهشهدی.