تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1718812754)
تورکیه نینگ مطبوعات خلاصه لری
یینی شفق روزنامه سی: Türksat 5A ماهواره نی اوچیریش کونی معلوم بولدی.
تورکيه نینگ «Türksat » ماهواره ادره سی باشلیغی جنک شین، Türksat 5A ماهواره نینگ کیلهسی ییل نینگ ایکّینچی اورته سیده اوچیریلیشی ریجهلشتیریلهیاتگنلیگینی قید ایتدی. جنک شین شونینگدیک، Türksat 5A ماهواره سی نینگ امریکا قوشمه ایالتلری نینگ فلوریده ایالتیدهگی کاسمودرومدن اوچیریلهجگینی هم اوز سوزیگه علاوه ایتدی.
حریت روزنامه سی: سیاحلر نینگ تنلاوی انتالیا.
انتالیا اوتگن ییلی 13 میلیون 642 مینگ 852 سیاح گه میزبانلیک قیلدی. 2018-ییلدهگی سیاحلر سانیده 2017-ییلگه نسبتاً 30 فایزلیک آرتیش کوزهتیلر ایکن 2019-ییلی چیت ایلدن 16 میلیون سیاح نینگ کیلیشی کوتیلهیاتگنلیگی معلوم قیلیندی. شهرگه 2019-ییل نینگ بیرینچی تورت آییده، اوتگن ییل نینگ شو دوریگه نسبتاً 32 فایزلیک آرتیش بیلن 1 میلیون 560 مینگ 862 سیاح کیلدی.
صباح روزنامه سی: تورکيه نینگ ینگی قورالی الکه نی ایشلب چیقردی.
تورکيه آخرگی وقتلرده تروریستلر تامانیدن هجوملرده تیز –تیز فایدهلنیلگن پارتلاووچی مادّه یوکلنگن هوا واسطهلری و قولده یهسهلگن پارتلاووچی مادّهلرنی فایدهلنیشدن چیقریش مقصدیده «الکه» دیب ناملنگن ینگی قورال تیزیمی ایشلب چیقردی. تورکيه نینگ راکیتسان شرکتی «الکه» تیزیمینی بیرینچی مراتبه استانبولده اویوشتیریلگن 14- خلقارا مدافعه صناعتی کورگزمهسیده نمایش ایتدی. «الکه» سیناو جریانیده قید ایتیلگن تصویرلرده قولده یهسهلگن پارتلاووچی مادّه و تورلی درونه هجوملری کبی خوفلرنی موفقیتلی روشده یوق قیلگن.
وطن روزنامه سی: پاسپورتدن یوز تنیش تیزیمی آرقهلی اوتیش ایشلری باشلهدی.
دنیا نینگ بیر نیچه ایرپورتیده فایدهلنیلگن برماق ایزی و یوز تنیش تیزیمی آرقهلی پاسپورت نظارتیدن اوتیش ایشلرینی یولگه قویگن ینگی تیزیم، اونی سیناودن اوتکزیش مقصدیده صبیحه گوکچین نامیدهگی خلقارا قونلغه ده خدمتگه توشهدی. مذکور تیزیم آرقهلی یولاوچیلر تیزیم تامانیدن تنیلگن برماق ایزلری و یوزلری آرقهلی 18 ثانیهده پاسپورت نظارتیدن اوتیش امکانیگه ایگه بولهدی.
حریت روزنامه سی: فرزان اوزپیتیک ایتالياده تکرار تقدیرلندی.
مشهور دایرکتر فرزان اوزپیتیک ایتاليا نینگ لیجی و ناپولی شهری آرتیدن پالیرما عالی بیلیم یورتی تامانیدن هم فخري وطنداش دیب اعلان قیلیندی. پالیرما نامیدهگی عالی بیلیم یورتیده اوزپیتیک که فخري دوکتور عنوانی تقدیم ایتیلدی. سَلینتا نامیدهگی عالی بیلیم یورتی ایسه اوزپیتیکنی «مدني ایلچی» دیب اعلان قیلدی.