تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: جمهور باشلیغی رجب طیب ایردوغان گه رمضان تبریکیسی
جمهور رئیس لیک منبعلریدن آلینگن معلومات گه کوره، فلسطین دولت باشلیغی محمود عباس، قطر امیری شیخ تمیم بن حمد آلثانی و عراق جمهور باشلیغی برهم صالح، جمهور باشلیغی رجب طیب ایربدوغانگه قونغراق قیلیب ایردوغان نینگ رمضانینی قوتله دیلر بو آی نینگ اسلام عالمی و برچه دنیاگه خیرلرگه وسیله بولیشینی خواهله دیلر.
ستار روزنامه سی: « S-400تورکيه اوچون ستراتیژیک حمله» سرلوحه‌سی بیلن بېرگن خبرگه کوره، مدافعه و خوفسیزلیک ساحه‌سی بوییچه متخصص یوسف علابرده تورکيه روسیه‌دن خرید قیلیب آله‌دیگن S-400 مدافعه راکت تیزیم‌لری سوريه‌دن شرقي آق دینگیزگچه، اژه دینگیزیدن چناق قلعه و استانبول بوغازیگچه بولگن کوپلب نقطه ده فعال بولیشینی معلوم قیلدی. اونینگ تأکیدلشیچه، S-400 مجموعه‌لری یاردمیده بوتون منطقه‌ده تورکيه‌گه قرشی احتمالي یوزه‌گه کیله‌دیگن حادثه‌لرنینگ آلدی آلینه‌دی.
خبر تورک روزنامه سی: «شمالی اروپا دولتلریدن کیلگن سیاحلر سانی کوپه‌یماقده» سرلوحه‌سی بیلن بیرگن خبرگه کوره، تورکيه نینگ توریستیک انتالیا و آلانیا شهرلری شمالی اروپا دولتلری اوچون توریزم جهتیدن مهم مرکزگه اَیلنماقده. جاري ییل نینگ دستلبکی 4 آیینی اوز ایچیگه آلگن راپورگه کوره، سویدندن انتالیا‌گه کیلگن سیاحلر سانیده 42 فایزلیک، نارویدن انتالیا‌گه کیلگن سیاحلر سانیده 87 فایزلیک، دنمارکدن انتالیا‌گه کیلگن سیاحلر سانیده ایسه 18 فایزلیک و فینلنددن انتالیا‌گه کیلگن سیاحلر سانیده 14 فایزلیک آرتیش کوزه‌تیلدی.
وطن روزنامه سی: «کاغذده چیتگه تابع لیکنی کمه‌یتیره‌دیگن حمله» سرلوحه‌سی بیلن بیرگن خبرگه کوره، صناعت و تکنالوژي‌لر وزیری مصطفی وره‌نک 19 ییل آره‌دن سونگ، تکرار خدمتگه توشیریلگن بلیق اسیرده‌گی SEKA فابریکه سیده چیقیندی کاغذلردن محصولات ایشلب چیقریلیشینی معلوم قیلدی. اوشبو فابریکه گه 140 میلیون یورو سرمایه گذارلیک قیلینگن لیگینی معلوم قیلدی. مصطفی وره‌نک: «بو سرمایه گذارلیک نینگ نتیجه سیده ییلده 150 میلیون دالرلیک واردات نینگ آلدی آلینه‌دی و مملکتیمیزده محلي امکانیتلر بیلن کاغذ ایشلب چیقریله‌دی»،دیدی.
