تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1718770999)
تورکیه نینگ مطبوعات خلاصه لری
خبر تورک روزنامه سی: «ترامپ نینگ تورکيهگه سفری کوتیلماقده» سرلوحهسی بیلن بیرگن خبرده یازیلیشیچه، جمهور رئیسلیک منبعلری تامانیدن بیریلگن بیاناتده «امریکا قوشمه ایالتلری دولت باشلیغی دونالد ترامپ نینگ تورکيهگه سفریی جولای آییده عملگه آشیریلیشی ممکن. معلوم بیر کوننی بیلگیلش اوستیده باش اورینماقدهمیز»،دیب ایتیلگن. سفر کونی بیلگی لنگنده، ترامپ تورکيهگه کیله دی.
ستار روزنامه سی: «تورکيه سوريه شِمالینی برچه ترور گروهلریدن تازهلشگه قطعي» سرلوحهسی بیلن بیریلگن خبرگه کوره، دولت رئیسلیک سوزچیسی ابراهیم قلین امریکا قوشمه ایالتلری نینگ سوريه مسألهسی بوییچه مصلحتچیسی جمیز جفری بیلن اوچرهشدی.
بولیب اوتگن اوچرهشووده، فرات دریاسی نینگ شرقیده و سوريه مقیاسیده ترور گروهلریگه قرشی کورهش، خوفسیز منطقه، منبیج یول نقشهسینی عملگه آشیریش، داعش، پی کاکا/وای پی جی و پی وای دی کبی برچه بولووچی ترور گروهلریگه قرشی کورهش، ادلیب کیلیشووینی سهقلب قالیش، سوريه نینگ تمامیت ارضی دایرهسیده سیاسي برقرارلیککه ایریشیش و سوريهنی قَیته قوریش مسألهلری مطرح قیلیندی.
یینی شفق روزنامه سی: «ایردوغان مسلمان صنعتکار Della Miles نی تبریکلهدی» سرلوحهسی بیلن بیرگن خبرگه کوره، تورکيه دولت باشلیغی رجب طیب ایردوغان خاتین - قیز و دموکراسی فندی (KADEM) تامانیدن استانبولده اویوشتیریلگن سمینارده اشتراک ایتدی. دولت باشلیغی ایردوغان و تورموش اورتاغی امینه ایردوغان استانبولده بولگن مسلمان صنعتکار دیلله مِیلیسنی Della Miles سمینارگه دعوت قیلدی. ایردوغان دیلله مِیلیسنی مسلمانلیکنی قبول قیلگنلیگی اوچون تبریکلهدی. امریکالیک صنعتکار دولت باشلیغی بیلن بولگن اوچرهشوودن سونگ تأثراتلرینی تیلگه آلدی.
«بوگون بیر دنیا رهبری بیلن تنیشدیم. تورکيه دولت باشلیغی بیلن قول بیریب سورهشدیم. اونینگ چیرایلی، آچیقکونگیل عیالی بیلن کوریشگنیم اوچون جوده هیجاندهمن»،-دیدی.
وطن روزنامه سی: «انتالیاگه کیلگن سیاحلر سانی ریکارد قیلدی» سرلوحهسی بیلن بیرگن خبرگه کوره، انتالیاگه کیلگن سیاحلر سانی آخرگی ییللردهگی اینگ یوقاری درجه گه ایریشدی. اینیقسه، اپریل آییده انتالیاگه کیلگن سیاحلر سانیده کتّه آرتیش کوزهتیلدی. دستلبکی 3 آی ایچیده شهرگه 571 مینگ 207 نفر سیاح کیلگن. فقطگینه اپریل آیی نینگ 29 کونی ایچیده 905 مینگ 322 نفر سیاح کیلگن.
بو نتیجه حتا توریزمچیلرنی هم حیرتگه سالگن. متخصصلر اپریل آییدهگی آرتیش پاسکالیه بیرهمی مناسبتی بیلن بولیشی ممکنلیگینی تخمین قیلماقده.
حریت روزنامه سی: تورک هوا یول (THY) اروپا باسکیتبال لیگیده ایککی تورک جماعه سی تورتلیک فاینلده اورین آلدی
تورک هوا یول (THY) اروپا باسکیتبال پلای آف بیله شووی 5 – مسابقه سیده انادولو ایفیس اوز میدانیده اسپانیانینگ بارسیلونا لاسا جماعه سینی 80-71 مغلوبیت گه اوچره تیب غلبه سانینی 3-2 گه کیلتیردی و اسپانیانینگ ویتوریئا-گاسته ئیز شهریده اویوشتیریله دیگن تورتلیک فاینل بیلله شوولریگه قتنه شیش گه موفق بولدی.7-19 می تاریخلریده بولیب اوته دیگن تورتلیک فاینل نینگ بیرینچی کونی ایککی تورک جماعه سی انادولو ایفیس – فنرباغچه بیکو اوچره شه دی. ایریم مسابقه ده اسپانیانینگ ریئال مادرید جماعه سی بیلن روسیه نینگ چیسیکا مسکو جماعه سی اوچره شه دی. بو بیلله شوولرده غلبه قازانگنلر 19 می کونی فاینل اوتیلگنلر ایسه اوچونچی لیک بیلله شوویده رقابت قیله دی.