تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/e2e7/72a1/feea/5c7cc4dfd725f.jpg?time=1718807889)
تورکیه نینگ مطبوعات خلاصه لری
خبر تورک روزنامه سی: «تورکيه اینگ کوپ سبزه و میوه روسیهگه صادر قیلماقده"
تورکيهدن 2019-ییلی جنوری-فبروری آیلری 100 مملکتگه توپلم 365 میلیون 662،8 مینگ دالرلیک میوه و سبزه صادراتی عملگه آشیریلدی. اوشبو دورلر 104 میلیون 533 مینگ دالرلیک سبزه و میوه صادراتی بیلن روسیه بیرینچی نوبتده. بو اولکهنی 34 میلیون 84 مینگ 400 دالر بیلن عراق، 33 میلیون 105 مینگ 975 دالر بیلن رومانیا ایزلهماقده.
وطن روزنامه سی: «ایشانچ اورنهتیلگچ خارجی سرمایه کیلیشگه باشلهدی"
تورک اقتصادی بیلن علاقهلی اوتگن ییلی اگست آیی اسعاردهگی توازنسیزلیکدن کیین آلینگن تدبیرلر نتیجهسیده اینفلاسيون توشدی. جاري کمآمد کمهیدی. سودلر توشدی. محلي و خارجلیک سرمایه گذارلر فعالیتگه اوتدی. تحویللرگه بولگن طلب اوچ برابرگه کوتریلدی. بورساده 2 آیده 1 مِیلیارد دالر خرید قیلیندی. مرکزي بانک نینگ ذخیرهلری 22-فبروری 1-مارچ کونلری آرهسیده هفتهده 394 میلیون دالر آرتیب سونگی 7 آی نینگ اینگ یوکسگی بولگن 100 میلیارد 65 میلیون دالرگه باریب ییتدی.
حریت روزنامهسی، "18 مارچ کیلگچ دقّتلر چاناق قلعهگه قرهتیلدی"
منه شو کونلر بهار نینگ اینگ گوزل منظرهسی بولگن چاناق قلعه، 18 مارچ چاناق قلعه ظفری نینگ 104- ییللیگینی نشانلشگه تیارلنماقده. مهمانلر، بو ییل بیش آی اوّل آچیلگن ترووا موزیمینی، ترمیمی اوز نهایه سیگه ییتگن حمیديهنی و صدُالبحر قلعهسینی زیارت قیلهدی. تاریخي یریم آرال نینگ بیر بورچهگیدهگی تورک عسکری فنری، کیلگوسی ییل چومیش اوچون آچیلهدی.
یینی شفق روزنامه سی: "100 میلیون سیاح اوچون مدنیت توریزمی"
تورکيه، توریزمده مدنیت تشبثی گه شَیلندی. مدنیت و توریزم وزیرلیگی آناطولی مدنیتینی و قدریتلریدن چیت ایلدهگی فعالیتلرده دقّتلرنی اوزیگه جلب ایتیش اوچون فایدهلنهدی. بحث موضوعسی تنیتوولر تورکيه نینگ اوزاق مدتده 100 مِیلیون توریستگه میزبانلیک قیلیشینی ریجهلهماقده. وزیرلیک بو دایرهده، تورکيه نینگ مدني بایلیگینی نمایش ایتهدی. هر ولایت نینگ مدني خصوصیتی اونگه چیقهدی. مخفي مدني بایلیکلر توریستلرگه کورسهتیلهدی.
ستار روزنامه سی: «استانبول نینگ هوا یولی یولاوچیسی 2 آیده 15 میلیونگه باریب ییتدی"
جاري ییل نینگ ایلک ایکّی آی ایچیده استانبولدهگی قونلغه لردن فایدهلنگن یولاچی سانی اوتگن ییل عینِ دورلرگه کوره 216 مینگ 490 آرتیب، 15 میلیون 285 مینگ 517 گه کوتریلدی. 2019- ییلی جنوری- فبروری آیلری، تورکيهدهگی قونلغه دن فاویدهلنگن یولاچیلر نینگ تخمینن 57 % ایسه استانبول قونلغه سیدن اوتگنی کوزهتیلدی.