تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: «رویترز دنیاگه شونده‌ی خبر بیردی: تورکيه‌ده بیر ینگیلیک» سرلوحه‌سی بیلن بیرگن خبرگه کوره، انگلیس خبر آژانسی رویترز جمهوریت تاریخی نینگ اینگ بویوک سینشی بولگن «ماوي وطن-2019» حربي سینشی نینگ تصویرلرینی بوتون دنیاگه نمایش قیلدی.
تورکيه دینگیز کوچلری قوماندانلیگی تامانیدن اوتکزیله‌یاتگن دینگیز حربي سینشیده 103 حربي کیمه اشتراک ایتماقده. رویترز خبر آژانسی مذکور سینشنی بوتون دنیاگه فوتو صور‌تلر بیلن اعلان قیلدی. تصویرلرده تورکيه قوراللی کوچلریده قوللنیله‌یاتگن محلي حربي تخنیکي جهازلر هم ا‌ورین آلگن.
یینی شفق روزنامه‌سی: «اهواچیلیک، فضا و تکنالوژي‌لر فستیوالی TEKNOFEST گه مراجعتلر ریکارد درجه‌ده» سرلوحه‌سی بیلن بیرگن خبرگه کوره، تورکيه نینگ استانبول ولایتیده تشکیل ایتیلگن TEKNOFEST فستیوالیگه بو ییل قیزیقیش جوده کتّه. فستیوال دایره‌سیده اوتکزیله‌دیگن تورلی تنلاو و مسابقه‌لر اوچون مراجعتلر سانی اوتگن ییلگه نسبتاً 3 برابرگه آرتیش کورسه‌تدی.
فستیوالده اشتراک ایته‌دیگن گروه سانی 6774 نفرگه ییتدی. فستیوال دایره‌سیده انسانلرگه قوله‌یلیک یره‌ته‌دیگن تکنالوژي‌لر بوییچه تنلاولر، راکت تنلاوی، قیرووچی اوچووچیسیز هوا واسطه‌لری درونه لر بوییچه تنلاو و اوچر مو‌ترلر بوییچه تنلاولر اوتکزیله‌دی. عینِ پیتده اشتراکچی گروهلر اوزی لایحه‌لشتیرگن تکنالوژي‌لرینی نمایش قیلیش و اولرنی تنیتیش امکانیتیگه هم ایگه بوله‌دیلر.
ستار روزنامه‌سی: «دنیا نینگ اینگ یینگیل ماین قیدیریش سنسورلری تورکيه‌ده ایشلب چیقریلدی» سرلوحه‌سی بیلن بیرگن خبرگه کوره، تورک انجنیرلری تامانیدن آغیرلیگی 1 کیلو 480 گرام بولگن ماین قیدیریشده ایشله‌تیله‌دیگن سنسور لر ایشلب چیقریلدی. بوتونله‌ی محلي تکنالوژي‌لر بیلن ایشلب چیقریلگن جهازگه «اوزان» دیب نام بیریلدی. حربي عملیاتلرده حربي خدمتچیلر اوچون یینگیللیگی جهتیدن قوله‌یلیک یره‌تگن بو تکنالوژي حربي عملیات حدودلریده خدمت قیلگن حربي خدمتچیلر نینگ احتیاجلری دقّتگه آلینگن حالده پروژه‌لشتیریلدی. بو جهاز ماین کبی پارتلاوچیلر جایلشگن جاینی انیقلب تیتره‌ش، سیگنال بیریش، آوازلی و تصویرلی آگاهلنتیریش خصوصیتیگه ایگه.
حریت روزنامه‌سی: «حیاتینگیزده مطلقا تاتیب کوریشینگیز کیره‌ک بولگن تورک شیرینلیگی» سرلوحه‌سی بیلن بیرگن خبرگه کوره، اینسیدیر خبر سایتی بوتون دنیاده‌گی شیرینلیکنی یخشی کورووچی انسانلر اوچون شیرینلیکلر رویخطینی اعلان قیلدی. اوشبو رویخطگه استانبولده‌گی دوکانلرده ساتیله‌دیگن لذتلی لُقمه شیرینلیگی هم کیریتیلگن. بو شیرینلیک نینگ اوستی چیتیر، ایچی ایسه یومشاق شکلاد یاکه مالته سووسلی بوله‌دی. شیرینلیک نینگ اوستیگه سوت، بیتر شکلاد، کرامیل، فیندیق، یانغاق، بادام یاکه قوریتیلگن کینو استعمال قیلیشینگیز ممکن. یاغده قیزرتیریلیب، اوستیگه شربت قوییله‌دیگن لُقمه شیرینلیگینی تاتیب کورگن انسان بوندن واز کیچه آلمه‌یدی.
خبر تورک روزنامه‌سی: «شینول گونش مارچ آییده ملي جماعه‌ده» سرلوحه‌سی بیلن بیرگن خبرگه کوره، 2019 ییل 1 جونده تورکيه ملي فوتبال جماعه‌سیگه مربيلیک وظیفه‌سینی ایگلله‌یدیگن شینول گونش تورکيه ملي فوتبال جماعه‌سینی 22-25 مارچ کونلری بولیب اوته‌دیگن اروپا بیلله شوولری سره‌لش مسابقه‌لریگه تیارله‌یدی.
سره‌لش مسابقه‌لری دایره‌سیده تورکيه ملي فوتبال تیرمه جماعه‌سی البانيا و مولدیف بیلن میدانگه توشه‌دی. تجربه‌لی مربي شینول گونش موسم آخریگچه بیشیکتاشده‌گی وظیفه‌سینی دوام ایتتیره‌دی.
