تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: «سوريهلیک فیده: تورکلرنی کۉرگنیمده بو دنیانینگ حلی هم یخشی ایکنلیگینی حس قیلهمن» سرلوحهسی بیلن بیرگن خبرگه کوره، سوريهده بشار الاسد تیزیمیگه خدمت قیلگن عسکرلرنینگ هجومیده آیاغیدن، آتهسیدن و اوکهلریدن اجرهلیب قالگن فیده حسن تورک تشکیلاتلری نینگ یاردمی بیلن پروتیز آیاقلرگه ایریشدی. او حاضرده تورکيه-سوريه چیگرهسیدهگی قاچقینلر کمپلریده کونگیللی روشده اوقیتووچیلیک قیلماقده. 2 فبروری کونی TRT -مستند تلویزیون کانالیده فیده حسن نینگ حکایهسی نمایش قیلیندی. «تورک خلقی جوده کونگلی آچیق، یوزی کولیب تورهدی. کوچهده مینی کورگن انسانلر درحال یاردم بیره دیلر. چونکه، مین معلولمن. تورکلرنی کورگنیمده بو دنیا حلی هم یخشی ایکنلیگینی حس قیلردیم. مین حیاتیم نینگ آخریگچه اولردن منّتدار بولیب قالهمن»،دیدی.
صباح روزنامه سی: «تورکيه دنیاده مدافعه صناعتی بوییچه دستلبکی 10 مملکت آرهسیده» سرلوحهسی بیلن بیرگن خبرگه کوره، جمهور رئیس لیک مدافعه صناعتی باشقرمه سی باشلیغی اورینباسری سردار دیمیرایل: «تورکيه مدافعه صناعتی نینگ اوتمیشدهگی 15 ییلیگه نظر تشلهگنیمیزده باسقیچمه-باسقیچ یوقاریگه تامان اوسگنلیگینی گواهی بولهمیز. بو شکلده دنیا بوییچه مدافعه صناعتی رواجلنگن 10 ته دولت قطاریدن جای آلدیک»،دیدی.
«تورکيه اوز ملي تانکینی هیچ یاردم آلمهگن حالده بیر اوزی ایشلب چیقردی. «F-35» قیدیرووچی اوچاق لایحهسیگه ایسه کتّه حصه قوشدی. ملي حربي مشغولات اوچاقلریمیزنی ایشلب چیقردیک. «گوکبیی» ناملی تیک اوچریمیز ایسه حاضرده تجربه اوچیشلرینی عملگه آشیرماقده»،دیب معلوم قیلهدی
ستار روزنامه سی: «دنیا نینگ اینگ مشهور بانکلری رویخطیده تورکيه بانکی هم بار» سرلوحهسی بیلن بیرگن خبرگه کوره، زراعت بانکی 2017 و 2018 ییللرده اوز قیمتینی آشیرگن تورک بانکی صفتیده «Brand Finance» نینگ بانک تیزیمی-500 رویخطیدن جای آلدی. حزینه و مالیه وزیری برات آلبیراق تویتردهگی صحیفهسیده زراعت بانکینی بو موفقیتی بیلن تبریکلهدی.
یینی شفق روزنامه سی: «تورک هوا یوللری ریکلام فلمی Super Bowl ده تماشابینلر اعتباریده» سرلوحهسی بیلن بیرگن خبرگه کوره، تورک هوا یوللری نینگ «سیاحت» ناملی 30 دقیقهلیک قیسقه متراژلی فلمی دنیاده مشهور بولگن سپورت فعالیتلریدن بیری امریکا فوتبالی نینگ فینالی Super Bowl ده نمایش قیلیندی. اوشبو ریکلامنی انگلیس دایرکتر و پرادوسر Ridley Scott تصویرگه توشیرگن.
حریت روزنامه سی: «غازی انتیبده سیاحلر اوچون چیزیلگن ینگی یونهلیشگه قیزیقیش آرتماقده» سرلوحهسی بیلن بیرگن خبرگه کوره، بوگونگچه موزیملری و اوزیگه خاص آشخانهسی بیلن محلي و خارجلیک سیاحلر نینگ علاقه سینی اوزیگه جلب قیلگن غازی انتیب تونچ دوریدن قالگن مزار قالدیقلرینی سیاحلر علاقه سیگه حواله قیلدی.
تاریخي قبرلر بوگونگی کونده ترمیم قیلیندی. ایندیلیکده اوشبو تاریخي یادگارلیکلر سیاحلر اوچون تماشا قیلینهدیگن مقّدس جایلرگه ایلنتیریلدی.
بو قبرلر میلاددن آلدین 3000- یاکه 1200- ییللرگه عاید ایکنلیگی تخمین قیلینماقده.