تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی، «تورکيه خارجی سرمایه‌دارلر اوچون جاذبه مرکزیگه اَیلنماقده» سرلوحه‌سی بیلن بیرگن خبرگه کوره، تورکيه جمهور باشلیغی رجب طیب ایردوغان ایندیلیکده دنیا نینگ 13-بویوک اقتصادیگه ایلنگنلیگینی بیلدیریب، ییل آخریده ینه بیر قدم یوقاریگه کوتریلیشینی معلوم قیلدی. «اوتگن ییلی 168.1 میلیارد دالر حجمیده صادرات عملگه آشیریلدی. تورکيه خلق‌ارا سرمایه گذارلیکلر جهتیدن اوز جاذبه‌سینی سقلب کیلماقده. اوتگن 16 ییل مابینیده مملکتیمیزگه جلب قیلینگن خارج سرمایه گذارلیک مقداری 201 میلیارد دالردن آشدی»،دیدی.
یینی شفق روزنامه سی، «تورکيه و روسیه دن سوريه دیپلوماسیسی» سرلوحه‌سی بیلن بیرگن خبرگه کوره، تورکيه ملي مدافعه وزیری خلوصی آقرر روسیه مدافعه وزیری سیرگیی شویگو بیلن تیلفون آرقه‌لی ملاقات قیلدی.
تورکيه ملي مدافعه وزیرلیگی نینگ تویترده‌گی رسمي صحیفه‌سیده بو حقده بیانات بیریلدی.
«ایکّی ییتکچی ملاقاتده ادلیبده‌گی اوزگریشلر و منطقوي خوفسیزلیک مسأله‌لرنی ساچیده امضالنگن کیلیشوو دایره‌سیده محاکمه قیلدی»،دیب ایتیلگن.
ستار روزنامه سی، «امریکا قوشمه ایالتلری سوريه‌ده کیملر بیلن همکارلیک قیلیشینی یخشی اویلب کوریشگه مجبور» سرلوحه‌سی بیلن بیرگن خبرده یازیشیچه، آق اوی نینگ ملي خوفسیزلیک مسأله‌لری بوییچه مصلحتچیسی جان بولتون اسرائیل گه قیلگن سفری چاغیده، تورکيه سوريه‌ده‌گی امریکا قوشمه ایالتلری موجودیتی نینگ نهائی بولیشی اوچون PKK/YPG جنگریلری خوفسیزلیگی بوییچه ضمانت خواهله یشی نینگ آرتیدن، اونینگ تورکيه سفری نینگ قیسقه بولیب اوتیشی تعجب گه سبب بولدی.
تروریزمگه قرشی کوره‌ش و خوفسیزلیک بوییچه متخصص عبدالله آغر نینگ تأکیدلشیچه، تورکيه بیلن امریکا قوشمه ایالتلری سوريه مسأله‌سی بوییچه اوزارا کیلیشوو تأمینلشی اوچون امریکا قوشمه ایالتلری ترور تشکیلاتی PKK/YPG بیلن کرد خلقی اورته‌سیده‌گی فرقنی یخشیلب انگلشی کیره‌ک. «غرب دولتلری اگر، PKK/YPG بیلن همکارلیک قیلیشنی دوام ایتتیره‌دیگن بولسه، موجود بوشلیق کون سایین کینگه‌ییب باره‌دی»،-دیدی.
خبر تورک روزنامه سی، «خارجده‌گی تورک میلیونر سانی 5779 کیشیگه ییتدی» سرلوحه‌سی بیلن بیرگن خبرگه کوره، بانکده‌گی حسابیده 1 میلیون تورک لیره‌سیدن آرتیق پول بولگن میلیونر سانی اوتگن ییل نینگ 11 آیی مابینیده 37 مینگ 340 کیشیگه آشگن حالده، توپلم 176 مینگ 320 نفرگه ییتدی.
میلیونرلر نینگ بانکلرده‌گی پولی نینگ توپلم مقداری 2018 ییل نوامبر آییدن اعتباراً 1 تریلیون 80 میلیارد 73 میلیون لیره بولدی. چیت ایلده گی میلیونر سانی 2017 – ییلی گه کوره، 5 مینگ 779 کیشی آرترکن، حسابلریده گی پول مقداری 87 میلیارد 85 میلیون لیره بولدی.
صباح روزنامه سی، «2030 ییل نینگ اینگ ییریک اقتصادلری معلوم بولدی. تورکيه هم بو رویخطده» سرلوحه‌سی بیلن بیرگن خبرگه کوره، انگلستان‌ده جایلشگن ستندرد چرتیرید Standart Chartered PLC بانکچیلیک شرکتی 2030 ییلگه کیلیب، اقتصادي جهتدن دنیا نینگ اینگ بای دولتلرینی اعلان قیلدی.
تخمینلرگه کوره، 2030 ییلده دنیا نینگ اینگ ییریک 10 اقتصادیدن 7 ته سیحاضرگی کونده رواجلنیب باره‌یاتگن مملکتلر بوله‌دی.
رویخطده تورکيه 5-ا‌وریندن جای آلگن حالده، جرمني، جاپان و روسیه کبی دولتلرنی آرتده قالدیردی.
