تورکیه مطبوعاتیدن خلاصه لر 17.10.1397

ستار روزنامه سی, تورکیه جمهوریتی جمهوررئیسی رجب طیب اردوغان نینگ جاری آیده روسیه دولت رهبری ولادیمیر پوتین بیلن اوچره شه دیگن لیگی نی بیلدیرماقده. 

خبرده, اوشبو اوچره شوو نینگ 2019 – ییلده اردوغان بیلن پوتین اورته سیده بولیب اوته دیگن بیرینچی اوچره شوو بوله دیگن لیگی گه دقت قره تیلماقده. 

روزنامه, اوشبو اوچره شوو جریانیده اساساً سوریه مسئله سی, اس 400 هوایی مدافعه تیزیمی نینگ آلینیشی, ایککی  تامانلمه و منطقه مقیاسیده گی موضوع لر توغریسیده بحث قیلینه دیگن لیگی نی معلوم قیلماقده. 

ینی شفق روزنامه سی, امریکا قوشمه ایالتلری تامانیدن حمایت قیلینیاتگن ترور تشکیلاتی وای پی جی/پی کا کا و بشار الاسد رژیمی نینگ ظلمی دن قاچگن سوریه لیک لرنینگ, تورکیه تامانیدن اویوشتیریله دیگن عملیات نی کوتیب تورگن لیک لری نی بیلدیرماقده. 

خبرده, سوریه نینگ فرقلی منطقه لریدن باش پنه سوره ب تورکیه گه کیلگن سوریه لیک لرنینگ, "بشار الاسد الدتماقده.  اسد نینگ منبج گه کیریشی تقدیرده, منطقه ده انسان لر قیرغین قیلینه دی" دییه قید ایتگن لیک لری بیلدیریلماقده. 

روزنامه, تورکیه گه قاچیب کیلگن اوشبو سوریه لیک مهاجر لرنینگ تورکیه نینگ عملیاتی نتیجه سیده منطقه لری نینگ ترورچی لردن تصفیه قیلینیشی آرتیدن اوز یورت لری گه قیتیب باریش نی کوتیاتگن لیک لری نی یازماقده. 

صباح روزنامه سی, آلدینگی ییل بیلن سالشتیریلگنده تورکیه موترسازلیک سکتوری نینگ جمهوریت تاریخی نینگ ریکارد سویه سی گه کوتریلیب کیتگن لیگی نی بیلدیرماقده. 

خبرده, اوشبو سکتور نینگ 31,6 میلیارد دالرلیک صادرات قیلگن لیگی گه دقت قره تیلماقده. 

خبرتورک روزنامه سی, 60 ییل لیک بیر مدت کیین بوگون ایلک مراتبه انقره دن روم گه بیواسطه تورک هوا یوللری طیاره سی نینگ اوچه دیگن لیگی نی معلوم قیلماقده. 

خبرده, عینی دمده جنوری آییده انقره دن انگلستان و گرجستان پایتخت لری گه هم بیواسطه پرواز باشلیدیگن لیگی بیلدیریلماقده. 

روزنامه, تورک هوا یوللری نینگ 9 – جنوریده لندن و 18- جنوریده ایسه گرجستان پایتختی تیفلیس گه اوچه دیگن لیگی نی معلوم قیلماقده.