تورکیه مطبوعاتیدن خلاصه لر 13.10.1397

صباح روزنامه سی, تورکیه جمهوریتی تابعیت قانونیده گی "کیره کلی سرمایه گذارلیک مقداری نینگ" توشیریلیشی آرتیدن حاضرگی کونگه قدر 100 میلیون دالر لیک سرمایه گذارلیک و 250 دن آرتیق تابعیت طلبی نینگ مطرح بولگن لیگی نی بیلدیرماقده. 

خبرده, 2019 – ییلده تورکیه جمهوریتی وطنداشی بولیش اوچون مراجعه قیله دیگن کیشی لر نینگ سانی نینگ انچه آرتیب کیتیشی نینگ ممکن ایکن لیگی گه دقت قره تیلماقده.   

روزنامه, اینیقسه انگلیس لرنینگ تورکیه جمهوریتی تابعیتی نی کسب ایتیش اوچون جوده هم کوپ قونغیراق قیلیاتگن لیک لری نی معلوم قیلماقده. 

خبرترک روزنامه سی, ینگی ییلده کوپ سانلی تورک و خارجی سیاح لرنینگ تورک هوا یوللری اوچاق لری بیلن سفر قیلگن لیک لری سببلی, اوشبو شرکت نینگ ایککی کونده دنیا بویلب 300 مینگ یولاوچی انتقال ایتتیرگن لیگی نی یازماقده. 

خبرده, تورک هوا یوللری عمومی رئیسی بلال ایکشی نینگ اوچاق پرواز لری نینگ 93 فایز مقیاسیده اوز وقتیده بولگن لیگی نی بیلدیرگن لیگی ایسله تیلماقده. 

وطن روزنامه سی, تورکیه ده گی ماوی بیرق ایگه سی توریستیک قیرغاق لر سانی نینگ کونساین آرتیب باریاتگن لیگی نی بیلدیررایکن, 2018 – ییلده اوشبو رقم نینگ 459 گه کوتریلیب کیتگن لیگی نی معلوم قیلماقده. 

ستار روزنامه سی, "تورک شرکت لری ناسا بیلن کیلیشیب آلدی" عنوانی بیلن بیرگن بیر خبریده, خلق ارا فضای استیشنی گه کارگو تاشیش اوچون ایککی تورک تامانیدن باشقریلیاتگن سیرا نیوادا کارپوریشن شرکتی تامانیدن اویلب چیقاریلگن "دریم چیز فضایی واسطه سی نینگ", ناسا بیلن کیلیشیب آلیشی آرتیدن تولید ایش لری نینگ سونگگی باسقیچ گه کیلیب قالگن لیگی نی بیلدیرماقده. 

خبرده دیزاین و فعالیت لری جهتی دن امتحان دن اوتگن اوشبو فضایی واسطه نینگ اکتوبر آییده تست اوچون تیار وضعیتگه کیتیریلیشی نینگ کوتیلیاتگن لیگی ایسله تیلماقده.