تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/0527/3e69/9a11/5b46f20fe501a.jpg?time=1719164071)
تورکیه نینگ مطبوعات خلاصه لری
حریت روزنامه سی: "ایردوغان: سوريهدهگی کورتلرنی PKK/PYD ظلمیگه تشلب قویمهیمیز"
جمهور باشلیغی رجب طیب ایردوغان، بیش تیپه ده معلوللرگه ایش بیریش مراسمیده سوزلهدی. فیرات دریاسی نینگ شرقیدهگی عملیاتلرگه تیارلنیشی بیلن تیگیشلی مهم بیاناتلر بیرگن ایردوغان، "سوريهدهگی کورتلرنی PKK نینگ قولیگه تشلب قویمهیمیز. سوريهدهگی عربلر و کورتلر نینگ مسألهسی بیز نینگ هم مسألهمیز. سوريه مسألهسی آزادلیک، تمامیت ارضی مسألهسیدیر" دیدی.
صباح روزنامه سی: «تشقی ایشلر وزیری چاووش اوغلیدن مهم بیاناتلر"
تشقی ایشلر وزیری مولود چاووش اوغلی، اسرائیل باش وزیری بنیامین نتنیاهو نینگ، بولووچی ترور تشکیلاتی PYD/PKK کبی چقه لاق قاتلی بولگنینی ایضاحلهدی. چاووش اوغلی تونیس زیارتی چاغیده سواللرگه جواب بیردی. نتنیاهو نینگ تورکيهگه قرشی افادهلرنی بهالهگن چاووش اوغلی، "سونگی دورلر نتنیاهو بیزاوده، چونکه سوريهنی پارچهله آلمهگنلیگینی انگلهدی. نتنیاهو PYD/PKK بیلن سوريهنی پارچهلشنی ایستهدیلر، PKKگه ایجابي قرهیدی ریجهلری بوزیلدی. PKK بیلن نتنیاهو نینگ مشترک خاصیتی هر ایکّیسی نینگ هم چقه لاق قاتلی بولیشیدیر" دیب افاده ایتدی.
یینی شفق روزنامه سی: "بیری سوزده یوقاری مرتبه لی توپلم 12 تروریست تأثیرسیز وضعیت گه کیلتیریلدی"
ایچکی ایشلر وزیرلیگی، ایچکی خوفسیزلیک عملیاتی دایرهسیده سونگی بیر هفته ایچیده 1 یوقاری درجهلی توپلم 12 تروریست نینگ تأثیرسیز حالگه کیلتیریلگنینی بیلدیردی. توناون وزیرلیکدن بیریلگن بیاناتده، 17-24 دسامبر کونلری آرهسیده2 مینگ 442 عملیات اوتکزیلگنی افاده ایتیلدی. تأثیرسیز حالگه کیلتیریلگن تروریستلر آرهسیده عدنان ساو هم جای آلماقده.
ستار روزنامه سی: «ترور قصداً اوت قوییش واقعه لریگه قرشی نفت و طبيعي گاز ترماغلرینی محلي اوچووچیسیز هوا واسطهلری کوزهتیب بارهدی"
نفت و طبيعي گاز پیپ نل ترماغی، ینگی ایجاد ایتیلگن خوفسیزلیک سیستمی آرقهلی قوریقلنهدی. ترور، قصداً اوت قوییش و اوغیرلیک احتمالیگه قرشی حساس نقطهلر، محلي اوچووچیسیز هوا واسطهلری و کمره تیزیمی آرقهلی 7*24 ساعت کوزهتیلهدی. انرژی وزیری فاتح دونمز، "محلي مدافعه صناعت تیزیملری، انرژی خوفسیزلیگی اوچون تیار تورهدی" دیدی.
خبر تورک روزنامه سی: "انگلیسلر مدتیدن اوّل اورین اجرهتماقده"
انگلیسلر نینگ موغلانینگ مرمریس تومنیده 2019-ییل اوچون آلدیندن جای اجرهتیشی حاضردن 35% آرتدی. تورکيه سیاحت شرکتلری بیرلیگی مرمریس حدودی نماینده لیک کینگشی رهبری ساعت ایسین، انگلستان بازاریدهگی حرکتلیلیک نینگ و قیزیقیش نینگ توریزمچیلر جهتیدن قووانچ بولگنینی قید ایتدی.