تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه‌سی، "چاووش اوغلی نینگ، YPG و PKKگه قرشی کوره‌شیمیزنی دوام ایتتیره‌میز" دیگنینی خبر قیلماقده.
تشقی ایشلر وزیری مولود چاووش اوغلی، تورکيه عالي ملت مجلسی عمومي کینگشیده، وزیرلیک نینگ بودجه سی موضوعسیده سوزله‌گن نطقیده، "بیز هیچ قچان تشقریده هم ایچکریده هم کورتلرنی دشمن صفتیده کورمه‌دیک لیکن YPG و PKKگه قرشی کوره‌شیمیزنی دوام ایتتیره‌میز" دیب افاده ایتدی. وزیر چاووش اوغلی، تورکيه نینگ آغیر دورلرنینگ اوتگنینی، منطقه نینگ آلاو چنبریگه ایلنگنینی، بونده‌ی بیر دورده تورکيه نینگ موفقیتلی تشقی سیاست ایزلش اوچون غیرت قیلگنینی افاده ایتدی.
وطن روزنامه سی: «خلوصی آقر: قطعيلیک بیلن رخصت بیریلمه‌یدی"
ملي مدافعه وزیری خلوصی آقر، توناون کونی تورکيه عالي ملت مجلسیده وزیرلیک نینگ 2019- ییلی بودجه ییغیلیشیده سوزله‌گن نطقیده، بولووچی ترور تشکیلاتی PKK نینگ عراق نینگ شِمالیده بارلیگینی دوام ایتتیرگنیگه دقّت قره‌تدی. آقر، "وطنیمیز و ملتیمیز نینگ خوفسیزلیگی اوچون PKK ترور تشکیلاتینی بوتونله‌ی برطرف ایتگونچه حربي عملیات‌لرنی دوام ایتتیره‌میز. سینجار نینگ هم قندیلگه ایه‌نیشیگه رخصت بیرمه‌یمیز" دیدی.
حریت روزنامه سی: "تورکيه نینگ هندوستان بیلن تجارت حجمی 8 میلیارد دالرگه باریب ییتدی"
تجارت وزیری رخسار پیکجان، توناون کونی جونه‌ب کیتگن هندوستان نینگ پایتختی ینگی دهلیده بیرگن بیاناتیده، جاري ییل نینگ ایلک 11 آیی ایچیده تورکيه بیلن هندوستان اورته‌سیده‌گی تجارت حجمی نینگ 8 میلیارد دالرگه باریب ییتگنینی بیلدیریب، "بو حجمده هندوستان نینگ تورکيه‌گه عملگه آشیرگن صادراتی کوپراق. موازنتلی و دواملی تجاري علاقه‌لر اورنه‌تیش اوچون بیرگه فعالیت آلیب باره‌میز" دیدی.
ستار روزنامه سی: «فندوق صادراتیده 10 موسمده 18 میلیارد دالر"
دنیاده فندوق ایشلب چیقریش و صادراتیده مهم ا‌ورینگه ایگه بولگن تورکيه، سونگی 10 آی ایچیده بو محصولاتلردن 18 میلیارد دالر درآمد قولگه کیریتدی. اوشبو دورلرده، اینگ کوپ درآمد 2 میلیارد 799 میلیون دالر بیلن 2014-2015 ییللر بولر ایکن، 2012-2013 ییللری ایسه 301 مینگ 193 تُن محصولات ساتیلگن.
صباح روزنامه سی: «ماردین، 2018 ییلی 3 میلیون توریستگه میزبانلیک قیلدی"
ماردینگه جاري ییل نینگ ایلک 11 آییده تخمینن 3 میلیون کیشی کیلدی. UNESCO دنیا مدنیت میراثی رویخطیده جای آلگن شهرنی زیارت قیلگن توریستلر، ماردین قلعه‌سی و تاش میماریگه ایگه اویلر بیلن بیر قطارده حضرت محمد نینگ آیاق ایزی بولگن Sitti Radviye مدرسه‌سی، سقالی شریفلری بولگن اولوغ جامع، زنجريه و قاسیميه‌نی زیارت قیلدی. توریستلر شونینگدیک، عیسویلر اوچون عزیز بولگن تورا‌بدین تاغی، ماس گه‌برییل منه‌ستیری بیلن مریه‌م آنه چیراوینی، کیرکلر کلیسای، Mor Gabriel Manastır ، Mor Gabriel Manastır دیرالزعفران منستیریگه باریب تاریخگه سیاحت قیلدیلر.
