تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه سی، «تورکيهدن 64 دولتگه بلیق صادراتی» سرلوحهسی بیلن بیرگن خبرگه کوره، جاري ییل نینگ جنوری-نوامبر آییده تورکيهدن 64 مملکتگه 47 مینگ 267 تُن بلیق محصولاتی صادرات قیلیندی. بوندن 222 میلیون 390 مینگ 102 دالر درآمد قولگه کیریتیلدی.
اوشبو دورده بلیق صادرات قیلینگن دولتلر رویخطیده هالند بیرینچی اورینده، ایتاليا ایکّینچی اورینده و روسيه اوچینچی اورینده جای آلدی.
صباح روزنامهسی، «جرمني پاکت سیاحت تورلریده انتاليا بیرینچی اورینده» سرلوحهسی بیلن بیرگن خبرگه کوره، تورکيه نینگ توریستیک انتالیا شهری نوامبر آییده جرمني پاکت سیاحت تورلریده بیرینچی بولدی.
آق دینگیزی توریستیک هوتل چیلر اویوشمهسی معلوم قیلیشیچه، جرمني سیاحت شرکتلری تامانیدن قوللنیلگن « Traveltainment» بویورتمه تیزیمی معلوماتلریگه کوره، آلمان سیاحلر اساسن تورکيهگه سیاحت پاکتی اوچون بویورتمه بیرر ایکن، هسپانیا و یونانستانگه تعطیل بویورتمهلریده پسهییش دوام ایتماقده.
خبر تورک روزنامهسی، «بیراقدار دینگیز کوچلری اوچون پرواز قیله باشلهدی» سرلوحهسی بیلن بیرگن خبرگه کوره، «بیراقدار TB2 » اوچووچیسیز هوا واسطهسی بیرینچی پروازینی عملگه آشیردی. دینگیز کوچلریگه عاید چناق قلعه حربيقونلغه سیدن پرواز قیلگن «بیراقدار تب-2» اوچووچیسیز هوا واسطهسیگه بیرینچی تاپشیریقنی بجریشگه کیریشدی.
ستار روزنامه سی، «تورکيه نینگ ینگی راداری کوز آچتیرمهیدی» سرلوحهسی بیلن بیرگن خبرگه کوره، تورکيه محدود سانده عالي تکنالوژي بیلن جهازلنگن رادار تیزیمینی ایشلب چیقریش و اونی تکامللشتیریش امکانیتیگه ایریشماقده.
کوپ مقصدلی رادار فاز-1 پروژهسی نینگ آخرگی عملي تجربهلری موفقیتلی یکونلندی.
چفراد دیب نام بیریلگن بو رادار اوزاق مصافهده سوو اوستی و هوا هدفلرینی انیقلش و نشانگه آلیش وظیفهسینی بجرهدی. شو بیلن بیرگه، کیمهدهگی باشقریش اوقینی نشانگه توغریلب، هدفنی یوق قیلیش کوچیگه ایگه.
وطن روزنامه سی، «فنرباغچه و گالاته سرای نینگ UEFA اروپا لیگیدهگی رقیبلری» سرلوحهسی بیلن بیرگن خبرگه کوره، UEFA اروپا لیگیده قرعه تشلندی. سویس نینگ نیون شهریده قرعه تشلش جریانیده آخرگی 32 تور رقابتلری انیقلندی.
بونگه کوره، فنرباغچه فوتبال جماعهسی زینیت جماعهسی بیلن بیللشهدی. گالاتهسرای جماعهسی بینفیکا جماعهسی بیلن رقابت قیلهدی.
آخرگی 32 تورده بیرینچی مسابقه لر 12-14 فبروری کونلری بولیب اوتهدی.